Jupmele Jisraelem eahtsa
1 Gosse Jisrael noere lij,dam gearoejim,mov baerniem Egypteste gåhtjoejim.2 Gosse jeenje-jienebe aejkien tjåarvoejim,guhkiebasse guhkiebasse mov luvhtie vöölkin.Ba-al-jupmielidie sjïeledin,tseegkuvi uvte sjïele-dållem båaltajehtin.3 Manne dïhte gie Efraimem bïhkedim vaedtsedh.Dejtie faarhman lutnjestim.Mohte dah idtjin guarkah manne dejtie starnedehtim.4 Almetje-laemtjine dejtie giesiejim,gieriesvoeten laemtjine.Manne goh almetje dåemiedimgie slïedtemaanam skeahran lutnjie,krokngesjim jïh beapmoeh dejtie vedtiejim.5 Eah galkh bååstide Egyptese vuelkedh.Assur galka dej gånkine årrodhjuktie idtjin sïjhth mov gåajkoe jarkelidh.6 Sviertieh gelkieh dej staarine eerjedh,boerovidie tsåapkodh jïh gaajhkem bårredhalmetji åssjalommesi gielhtie.7 Mov almetjh biehtiemasse tsiptsegamme.Dah jallatjommesasse tjåarvoeh,ij dïhte gænnah dejtie lutnjesth.
8 Efraim, mejtie maahtam datnem laehpedh,Jisrael, maahtam datnem birhkedh?Mejtie maahtam datnem laehpedhguktie Admam leehpim,datnem guktie Sevojimem leehpim?Mov vaajmoe tjarke jïevkehte,mov aarmoe-damtoe fahkeste.9 Im manne baajh jïjtjene buelije måeriem borserostedhEfraimem vihth eerjedh.Juktie manne Jupmelejïh im leah almetje,aejlies leam dijjen luvnie.Im asvine sïjhth båetedh.