Jeesus Kristusen åssjalommesh
1 Mejtie Kristusinie soelkehtasse, gieriesvoetesne jaskehtimmie jïh Voejkeninie ektievoete – mejtie naan gïemhpesvoete jïh aarmoe gååvnesieh – 2 illede dellie mov aavoem gosse seamadidie. Jielede latjkes, jïh jielede gieriesvoetesne, seamma åssjalommesne jïh jiermesne. 3 Aellede jïjtjeråårehke jïh garmere årroeh, årrode amma lujjies! Earoehtidie jeatjabidie vielie goh jïjtjemdh. 4 Aellede ussjedh mij bööremes jïjtjesadth! Ussjedidie amma mij bööremes jeatjabidie. 5 Baajede Kristus Jeesusen åssjalommesh dijjen luvnie årrodh!
6 Jupmielinie lij.Idtji ussjedh satne sualadammeJupmelen guelmesne årrodh.7 Gaajhkem åavhtoeji,jïh gaagkijinie sjïdti,almetjinie sjïdti.
Gosse almetjinie sjïdteme,8 lujjies lijjïh jaemiedasse goltelihks jïh kroessese jeemi.9 Dellie Jupmele altemsegaajhki bijjelen lutnjestammejïh byögkeles nommem vadtemestuerebe jeatjah nommijste.
10 Gaajhkesh elmierïjhkesne,eatnamisnie jïh saajvelaantesnegelkieh Jeesusen nommesne boelvestalledh11 jïh bæjhkoehtidhJeesus Kristuse åejvieJupmele Aehtjien earose!
12 Gieries voelph, iktesth goltelihks lidh gosse dijjen luvnie lim. Daelie gosse im dijjen luvnie, dellie galkede barkedh aaptsah asvoehlaakan jïh aerkieslaakan dijjen gorredimmine. 13 Juktie Jupmele dijjine barka guktie ussjedidie jïh darjode altese buerie syjhtehtassen mietie.