Rudte jïh Boas
1 Faamohks jïh båantas ålma lij man nomme Boas, Elimeleken, Nahamin geellen, slïekteste. 2 Dellie Rudte, moabitteladtje nyjsenæjja, Nahamise jeehti: «Baajh mannem åakarasse mïnnedh jïh gernieh tjöönghkedh ålman luvnie gie sån munnjien gïemhpe lea.» Nahami vaestiedi: «Daktere, mïnnh amma!»
8 Dellie Boas Rudtese jeahta: «Daktere, govlh! Aellieh maa gernieh tjöönghkh jeatjah ïentjeste! Aellieh daebpede vaedtsieh. Årroeh mov deanari luvnie! 9 Vuartesjh gusnie dokseme-almetjh barkeminie jïh dåeredh dejtie! Manne ålmide stilleme baajedh datnem raeffesne årrodh. Gosse gajhkelovveminie, mïnnh gaeriej gåajkoe jïh jovkh destie maam deanerh gåajvoeh.» 10 Rudte boelveste jïh krokngesje ååredæjjine deavan vuestie jïh jeahta: «Mannasinie mannem dan gïemhpeslaakan dåastoeh maaje ammes nyjsenæjja leam?» 11 Boas vaestede: «Gellien aejkien govleme guktie datne dov vuanovem viehkiehtamme gosse geelledh sealadamme. Aahtjemdh jïh tjædtjemdh jïh dov dajvide laehpiejih jïh ammes almetji gåajkoe juhtiejih. 12 Vaajt Åejvie dan gielhtie datnem beelhkie! Vaajt Åejvie, Jisraelen Jupmele, datnem beelhkie gosse daelie båateme Åejvien suajaj nualan tjïekedidh.»