Iran: Kristne ønsker nytestamenter
Gi sammenEt NT koster 33 kroner
Gå til forsiden

Paulusa vuosttaš girji korintalaččaide

5

Fuorrávuođa cuiggodeapmi

1 Mun lean gullan ahte din gaskkas lea fuorrávuohta, ja velá dakkár mii ii leat báhkiniid gaskkasge: Muhtun eallá eadnebeliinis. 2 Ja dii vel goarggastallabehtet, vaikko galggašeiddet baicca moraštit ja ádjit iežadet searvvis eret dan gii dahká dakkáriid. 3 Vaikko mun rumašlaččat in leat din luhtte, de mun lean din luhtte vuoiŋŋas ja lean juo cealkán duomu sivalažžii, dego mun livččen dieppe. 4 Go dii čoahkkanehpet Hearrámet Jesusa nammii, ja mun lean dinguin vuoiŋŋas ja Hearrámet Jesusa fápmu lea das, 5 de addet dan olbmo Sáhtánii ja diktet su rupmaša duššat, vai su vuoigŋa bestojuvvo Hearrá beaivvi.

6 Din rápmi ii leat buorre. Almma dii diehtibehtet ahte uhca suvrradáiggáš suvruda oppa dáiggi? 7 Čorgejehket eret boares suvrradáiggi, vai šaddabehtet ođđa dáigin. Diihan lehpet suvrutkeahttájat, min beassášláppis Kristus lea juo njuvvojuvvon. 8 Dollot nappo basiid, allot dakkárin geaid bahávuohta ja suddu leat suvrudan, muhto buhtisvuođa ja duohtavuođa suvrutkeahtes láibin.

9 Mun čállen didjiide ahte dis ii oaččo leat mihkkege dahkamušaid furrošeddjiiguin. 10 In mun oaivvildan dán máilmmi furrošeddjiid inge ruhtaváibmiliid, rievváriid inge eahpeipmilbálvaleddjiid, danin go dallehan dii fertešeiddet vuolgit máilmmis eret. 11 Mun oaivvildin ahte dis ii oaččo leat mihkkege dahkamušaid dakkár olbmuin gii gohčoduvvo vielljan, muhto gii lea furrošeaddji, ruhtaváibmil, eahpeipmilbálvaleaddji, bilkár, juhkki dahje suola. Allet oppa boratge ovttas dakkár olbmuin. 12 Ii suige mu ášši leat dubmet olggobealolbmuid? Almma diige dubmebehtet dušše daid geat gullet din iežadet searvái? 13 Daid geat leat olggobealde, dubme Ipmil. Ádjet eret luhtádet dan gii lea bahá.

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.