Sálbma 120
1 Bassivádjoluslávlla.
Hearrá mun čuorvvun heađistan,
ja son vástida munnje.
2 Hearrá, beastte mu gielástalliid gieđas,
várjal mu sin behtolaš ságain.
3 Vare Hearrá ráŋggáštivččii du
dál ja maŋŋil, don gielástalli,
4 soahteolbmá bastilis njuolaiguin,
buolli, boaldi hilaiguin!
5 Vuoi mu!
Mun ealán vierisin Mešekis,
mun ásan Kedara gođiin.
6 Menddo guhká mun lean ássan
daid gaskkas geat vašuhit ráfi.
7 Mun dáhtun ráfi, muhto jos jienádan,
de sii leat geargadat soahtái.