Ukraina flaggRedder Bibelen liv i Ukraina?
Finn ut mer
Gå til forsiden

Sálmmaid girji

14

Sálbma 14

1 Koarrajođiheaddjái. Davida sálbma.


Doavki dadjá váimmustis:

“Ipmil ii leat.”

Bahát ja fasttit leat sin dagut,

ii oktage daga dan mii lea buorre.

2 Hearrá geahččá almmis

olbmománáide,

son dáhttu oaidnit leago

oktage jierpmálaš,

oktage gii ohcá Ipmila.

3 Buohkat leat jorgalan sus eret,

juohkehaš lea gealbbohuvvan.

Ii leat oktage gii dahká dan mii lea buorre,

ii fal ii oktage.

4 Eaigo sii ipmir maidege,

duot vearredahkkit?

Sii njillet mu álbmoga,

borret dan dego láibbi.

Sii leat vajálduhttán Hearrá.

5 Muhto sii deaivvahallet ballui,

danin go Ipmil lea vuoigatlaččaid beali.

6 Dii veadjibehtet dahkat duššin

vártnuheami áigumušaid,

muhto Hearrá lea su dorvu.


7 Vare Israelii juo boađášii

bestojupmi Sionis!

Go Hearrá jorgala álbmogis vuorbbi,

de Jakob ávvuda, Israel illuda.

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.