Ukraina flaggRedder Bibelen liv i Ukraina?
Finn ut mer
Gå til forsiden

Sálmmaid girji

142

Sálbma 142

1 Davida oahpahansálbma, dalle go son lei bákteráiggis. Rohkadus.


2 Mun čuorvvun Hearrá alla jienain,

mun rohkadalan jitnosii Hearrá.

3 Mun golggahan iežan morrašiid

su ovdii,

sutnje mun muitalan iežan heađi.

4 Mu vuoigŋa vuoimmehuvvá,

muhto don almmatge dovddat mu bálgá.

Dan geidnui man vádjolan,

leat čihkkojuvvon gielat mu várás.

5 Geahča mu, de oainnát

ahte ii oktage veahket mu.

Mus ii leat suodji gosa báhtarit,

ii oktage beroš mo munnje geavvá.


6 Hearrá, mun čuorvvun dutnje.

Mun dajan: Don leat mu suodji,

mu oassi ealli olbmuid eatnamis.

7 Guldal mu váidalančuorvasa,

mun lean šaddan vártnuheapmin.

Beastte mu doarrádalliid gieđas,

sii leat munnje ilá gievrrat.

8 Doalvvo mu olggos giddagasas,

nu ahte mun sáhtán máidnut du nama.

Vuoigatlaččat čoagganit mu birra,

dasgo don dagat buriid munnje.

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.