Heelsegh
1 Pöövle, Kristus Jeesusen apostele, gïem Jupmele stilleme jieleden bïjre Jeesus Kristusen gielhtie soptsestidh, 2 heelsie jïjtse gieries alkan, Timoteosasse. Aarmoe, godtsenje jïh raeffie Jupmele Aehtjien jïh Kristus Jeesusen, mijjen åejvien luvhtie!
Gyjhtelassh Jupmielasse
3 Iktesth Jupmelem dov åvteste gæjhtam jïh jïjjh biejjieh rohkelem Jupmielasse gïem tjïelke vaajmojne dïenesjem guktie mov maadtoeh. 4 Dov gïknjelh måjhtelem jïh arhtem datnem vihth gaavnedidh jïh dellie aavoedidh. 5 Måjhtam dov vietseles jaahkoem jïh tjidtj´aahkedh Loisen jïh tjædtjedh Evniken jaahkoem. Daajram gujht dïhte jaahkoe dov aaj.
Vaejvieh Kristusen gielhtie
6 Dannasinie sïjhtem datnem mojhtestehtedh: baajh Jupmelen aarmoevadtesem vihth bueledh, dam maam åadtjoejih gosse gïetide dov nille bïejim! 7 Juktie Jupmele idtji voejkenem vedtieh mij gåavvarostoe. Faamoen, gieriesvoeten jïh vijsiesvoeten voejkenem hov vedtieji. 8 Aellieh bueriesaerneste Åejvien bïjre jallh manneste skaamesjh gie altese gaavhtan faangkine leam! Vaejvedh datne aaj vaentjelen gielhtie dejnie faamojne maam Jupmele vadta.
9 Jupmele mijjem gorredammejïh aejlies gåhtjoeminie gohtjemejïjtse syjhtehtassen jïh aarmoen gielhtie,mohte ij gohtjeme mijjen barkoej gielhtie.Aarmoem Kristus Jeesusiniejoe ihkuve aejkien vadteme10 jïh daelie dååjrehtovvemegosse mijjen lutniestæjja Kristus Jeesuseeatnamasse bööti.Jaemedem jamhkelammejïh jieledem jïh ihkuve jieledemvaentjielinie tjoevkese buakteme.11 Dannasinie dïjreguedtijinie, apostelinie jïh ööhpehtæjjine leam. 12 Dannasinie vaejvedem. Manne im skaamesjh juktie daajram gïese jaahkam. Daajram hov maahta vaarjelidh dam maam manne åådtjeme goske biejjie båata.
13 Datne edtjh, goh manne, jaahkoen jïh gieriesvoeten bïjre tjïelke håalodh Kristus Jeesusen gielhtie. 14 Vaarjelh buerie skaehtiem maam Aejlies Voejkeninie åådtjeme – mij mijjesne!
15 Daajrah gujht gaajhkesh gïeh Asiasne, dovne Fygelos jïh Hermogenes, mannem ålkoestamme. 16 Vaajt Åejvie Onesiforosen fuelhkiem aarmode! Dïhte mannem gellien aejkien jaskehtamme jïh idtji mov svaalhtesijstie skaamesjh. 17 Ijje, gosse Romese bööti, dellie mannem eadtjohkelaakan ohtsedi goske mannem gaavni. 18 Vaajt Åejvie baaja aarmoem Åejvien luvnie gaavnedh gosse dïhte sjïere biejjie båata. Daajrah badth guktie Oniseforos Efesosesne gaagkestamme.