Hopp rett til
Kirkeårets teksterDagens bibelord
Tegnforklaringer
Bibelleseplaner
Kjøp Bibelen
Bibelsøk
Søk
 |
 |
 |
| Hvor finner jeg... |
.
Jesaja
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66| < Forrige kapittel | Neste kapittel > |
Oainnáhusleahki 22Oainnáhusleagi. Sátni. Mii dus lea heahtin? Manin buot du ássit leat gorgŋon dáhkiid ala, 2 don šlábmájis, riedjalas gávpot, don ávvudeaddji, ilolaš gávpot? Du gahččan olbmát eai gottáhallan miehkkái eaige jápmán soahtái. 3 Buot du oaivámuččat báhtaredje geldojuvvon dávggis, guhkás báhtaredje du sáŋgárat. 4 Dan dihte mun siđan: Diktet mu orrut, diktet mu čierrut. Allet vikka jeđđet mu, go mu álbmot duššá. 5 Dát lei Hearrá Ipmila, Almmiveagaid Ipmila, beaivi, hirpma ja stuimmi ja moivašumi beaivi. Oainnáhusleagi muvra gaikojuvvui, ja dan čuorvvas gullui váriide. 6 Elam válddii njuollaskuohpu, Kir dohppii galbba. 7 Vovnnat ja heasttat devde du čáppa legiid. Dat fallehedje du poarttaid 8 ja rabastedje Juda suoji. Dan beaivvi dii gal manaidet dárkkistit Vuovdeviesu vearjjuid. 9 Dii oinniidet ahte Davida gávpogis ledje máŋga áldá, ja dii čohkkiidet čázi Vuolleáldái. 10 Dii logaidet Jerusalema viesuid, dii gaikkodeiddet daid vai beasaidet nannet muvrra. 11 Dii rokkaidet áldá guovtti muvrra gaskii Boaresláddo čáziid várás. Muhto dii ehpet jorgalan su beallái gean dahku buot lea, dii ehpet geahččan su beallái gii sivdnidii dán dolin juo. 12 Hearrá Ipmil, Almmiveagaid Ipmil, rávkkai din dan beaivvi čierrut ja váidalit, ráhket oaivvi ja gárvodit morašbiktasiid. 13 Muhto dan sadjái lea illu ja ávvu! Dii goddibehtet vuovssáid ja njuovvabehtet sávzzaid, dii borrabehtet bierggu ja juhkabehtet viinni. “Borrot ja juhkot, ihttinhan mii jápmit!” 14 Hearrá Ipmil, Almmiveagaid Ipmil, lea almmuhan munnje dán: Dát suddu báhcá soabakeahttá gitta din jápmima rádjái. Ná cealká Hearrá Ipmil, Almmiveagaid Ipmil. Šebna ja Eljakim 15 Hearrá Ipmil, Almmiveagaid Ipmil, sártnui ná: Mana doalvut Šebnái, gonagasa hálddašeaddjái ja hoava oaivámužžii, dán sága: 16 Gii olbmáid don leat, mii don gáttát dáppe leat, go rokkahat alccesat hávddi allagassii várregilgii, dagat alccesat visti bávtti sisa? 17 Ná geavvá: Hearrá suhppe du eret! Son gurpe du čoahkkái, 18 nođđuda du nođđun ja bálkesta du dego spáppa viiddis eatnamii. Dohko don jámát, ja dohko gártet du čikŋavovnnat, don hearrát viesu heahpat! 19 Mun nordadan du virggistat, gaikkun du vuolás iežat sajis. 20 Dan beaivvi mun rávkkan bálvaleaddján Eljakima, Hilkia bártni. 21 Mun gárvvuhan sutnje du gárvvuid, čavgen du boahkána su alimiid birra ja attán sutnje dan válddi mii dus dál lea, ja son šaddá áhččin Jerusalema ássiide ja oppa Juda čerdii. 22 Mun bijan Davida viesu čoavdaga su oalggi ala. Go son rabasta, de ii oktage dahpa, ja go son dahppá, de ii oktage rabas. 23 Mun gidden su návlin nana báikái, ja su alla árvu šaddá gudnin su áhči sohkii. 24 Su vehkii heaŋgasa oppa su sohka, sihke vesát ja gierragat, buot smávva lihtit ja stuorrát, bollut ja ruhkutge. 25 Dan beaivvi, cealká Hearrá, Almmiveagaid Ipmil, luovvana návli mii lei derpojuvvon nana sadjái. Dat doddjo ja gahččá, ja buot mii dan veagas heaŋgái, cuovkana. Hearrá lea sárdnon. |
| < Forrige kapittel | Neste kapittel > |
Lukk X
Her kan registrerte brukere snart lagre egne kommentarer på det valgte verset.
Nå lager vi ny nettbibel
Nettbibelen blir ny høsten 2023. Vi ruller ut nye funksjoner fortløpende, og trenger din hjelp til å teste og gi tilbakemelding.
Test på beta.bibel.no