Bibelsøk

Søk
Velg oversettelse
Hvor finner jeg...

.

Tilbake til oversikten

Jesaja

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66

< Forrige kapittelNeste kapittel >
9Muhto seavdnjatvuohta gáidá doppe gos dál lea áŧestus.
        Ovdalaš áiggiid Hearrá válddii gudni Sebulona eatnamis ja Naftali eatnamis. Muhto oktii son máhcaha gudnái Meara geainnu, Jordana don beale eatnama ja vierrásiid Galilea.

Ráfioaivámuš
     2 Álbmot mii vádjola seavdnjadasas,
          oaidná stuorra čuovgasa.
          Daidda geat ásset jápminsuoivana eatnamis,
          suonjarda čuovga.
          
   
 3 Don divttát ávu badjánit,
          don dagat ilu stuorisin.
          Sii illudit du muođuid ovddas
          nugo illuduvvo lájuid áigge,
          nugo ávvuduvvo sállaša juogadeames.
          
   
 4 Geassá mii dettii sin hárduid,
          gevrejeaddji soappi don leat doadján
          dego dan beaivvi go Midjan cuvkejuvvui.
          
   
 5 Juohke soahtegáma mii adnojuvvui soađis,
          juohke oalgebivttas mii durddui varrii,
          boldojuvvo,
          dat šaddet dola loaktámuššan.
          
   
 6 Dasgo mánná lea riegádan midjiide,
          bárdni lea addojuvvon midjiide.
          Váldi lea biddjojuvvon su olggiid ala,
          ja su namma lea
          Ovddolaš Ráđđeaddi, Veagalaš Ipmil,
          Agálaš Áhčči, Ráfioaivámuš.
          
   
 7 Váldi šaddá stuorisin
          ja ráfi loahppameahttumin
          Davida truvnnus ja su riikkas.
          Dat nannejuvvo ja bisuhuvvo
          rivttiin ja vanhurskkisvuođain
          dál ja agálaččat.
          Hearrá, Almmiveagaid Ipmil,
          dahká dán áŋgirvuođastis.

Gáhtameahttun Israel
     8 Hearrá vuolggahii sáni Jakoba vuostá,
          su sátni deaivvai Israelii.
          
   
 9 Oppa álbmot šattai dovdat dan,
          Efraim ja Samaria ássit.
          Muhto čeavlájit ja goargadit sii dadje:
          
   
10 “Diilamuvrrat leat gahččan,
          muhto mii hukset
          čullojuvvon geđggiiguin.
          Meahccefiikonmuorahirssat
          leat doddjon,
          muhto mii bidjat sederiid
          daid sadjái.”
          
   
11 Hearrá divttii Israela vuostálastiid
          ávvudit
          ja hástalii sin vašálaččaid sin vuostá,
          
   
12 aramealaččaid nuortan
          ja filistalaččaid oarjin,
          vuovdát sii borre Israela.
          Dattetge su moarri ii sožžon,
          su giehta lea ain bajiduvvon.
          
   
13 Muhto álbmot ii jorgalan
          su beallái gii cápmii dan,
          sii eai ohcan Hearrá,
          Almmiveagaid Ipmila.
          
   
14 Nu Hearrá čuohpai Israelis
          oaivvi ja seaibbi,
          gierraga ja skáhčira ovttahat beaivvi.
          
   
15 Vuorrasat ja árvvus adnojuvvon olbmát
          leat oaivi,
          profehtat geat oahpahit giellásiid,
          leat seaibi.
          
   
16 Dán álbmoga oahpisteaddjit
          čádjidahtte sin,
          dat geat oahpistuvvojedje,
          láhppojedje.
          
   
17 Danne Hearrá ii seastán
          sin nuorra olbmáid,
          ii árpmihan sin oarbásiid iige leaskkaid.
          Sii buohkat ledje
          ipmilmeahttumat ja vearredahkkit,
          buot sin sárdnumuš lei jallavuohta.
          Dattetge su moarri ii sožžon,
          su giehta lea ain bajiduvvon.
          
   
18 Bahávuohta bulii dego dolla
          ja bolddii bastilislánjáid ja gáskálasaid.
          Dat buolláhii rođu,
          ja suovva badjánii allagassii.
          
   
19 Hearrá, Almmiveagaid Ipmila,
          moarri bolddii eatnama,
          ja álbmot šattai dola loaktámuššan,
          nubbi ii seastán nuppi.
          
   
20 Sii gáskkašedje olgeš beallái
          ja ledje ain nealggis,
          sii snelko gurut beallái eaige gallánan.
          Buohkat borre lagamuččaideaset:
          
   
21 Manasse borrá Efraima
          ja Efraim Manasse,
          ja soai searválaga Juda.
          Dattetge su moarri ii sožžon,
          su giehta lea ain bajiduvvon.

   
< Forrige kapittelNeste kapittel >

05. oktober 2022

Dagens bibelord

Salmene 106,43–48

Les i nettbibelen

43Mange ganger fridde han dem ut, likevel trosset de ham med sine planer og gikk under i synd. 44Men han så til dem i nøden da han hørte dem rope. 45Han husket pakten med dem og viste medynk i sin store kjærlighet. ... Vis hele teksten

43Mange ganger fridde han dem ut, likevel trosset de ham med sine planer og gikk under i synd. 44Men han så til dem i nøden da han hørte dem rope. 45Han husket pakten med dem og viste medynk i sin store kjærlighet. 46Så lot han dem finne barmhjertighet hos alle som holdt dem som fanger. 47Frels oss, Herre, vår Gud, sank oss inn fra folkene så vi kan prise ditt hellige navn og uredde lovsynge deg. 48Velsignet er Herren, Israels Gud, fra evighet til evighet! Og hele folket skal si: Amen! Halleluja!