Hopp rett til
Kirkeårets teksterDagens bibelord
Tegnforklaringer
Bibelleseplaner
Kjøp Bibelen
Bibelsøk
Søk
 |
 |
 |
| Hvor finner jeg... |
.
Jeremia
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52| < Forrige kapittel | Neste kapittel > |
| 15Hearrá celkkii munnje: Vaikko Moses ja Samuel loaiddastivččiiga mu ovdii, de mun in árkkášivčče dán álbmoga. Áje sin eret mu luhtte, divtte sin mannat.
2 Jos sii jerret dus: “Gosa mii mannat?” de vástit sidjiide: Ná cealká Hearrá: Gii galgá jápmit, dat mannos jápmimii, gii miehkkái, mannos miehkkái, gii galgá nealgut, dat nelgos, gii fáŋgavuhtii, mannos fáŋgavuhtii! 3 Njealji láhkái mun ráŋggáštan sin, cealká Hearrá: Miehkki goddá, beatnagat gesset daid eret, almmi lottit ja meahcieallit gaikkodit ja borret daid. 4 Mun dagan sin balddáhusgovvan buot eatnama riikkaide, visot dan dihte maid Juda gonagas Manasse, Hiskia bárdni, lea dahkan Jerusalemis. Jerusalema vuorbi 5 Gii árkkálmastá du, Jerusalem, gii árpmoštallá du? Gii earrána geainnus jearrat mo don veaját? 6 Don hilgot mu, cealká Hearrá, ja jorgalit munnje selggiid. Danne mun bajidin gieđa du vuostá, mun lean váiban árpmiheames! 7 Mun áján ássiid eatnama gávpogiin, goaivvuin mun suohpun sin poartaráigge olggos. Mun dagan álbmogan mánáheapmin ja duššadan dan, danin go dat ii jorgalan bahás geainnuinis. 8 Sin leaskkat šaddet eanebun go mearragátti sáttočalmmit. Mun vuolggahan nuorra olbmáid etniid vuostá hearjideaddji soahteolbmáid guovdelaš beaivvi. Fáhkkestaga hirbma ja áŧestus dohppe sin. 9 Velá datge gii lea riegádahttán čieža máná, nuonddahallá ja rohtte heakka. Su beaivváš luoitá go ain lea beaivi, son heahppášuhttojuvvo ja boalggahuvvo. Álbmoga bázahasa mun attán sin vašálaččaid gihtii. Miehkki goddá sin, cealká Hearrá. Jeremia váidalus 10 Vuoi mu, eadnán, go riegádahttet mu, riiddu ja nákku olmmájin oppa eatnamii! In mun leat lonen geasage inge váldán geasge loanas, ja almmatge buohkat garuhit mu. 11 Duođaid, Hearrá, mun lean bálvalan du eará olbmuid ávkin. Mun lean rohkadallan du vašálaččaidan ovddas heađi ja áŧestusa áiggi. 12 Cuovkanago ruovdi, ruovdi mii boahtá davvin, ja veaiki? 13 Du riggodaga ja du dávviriid mun attán stajádussan. Dat lea ráŋggáštus buot du suttuin maid leat dahkan juohke sajis iežat eatnamis. 14 Mun bijan du vašálaččaidat šlávvan eatnamii maid don it dovdda. Mu moari dolla lea cahkiidan, dat buollá álelassii. 15 Hearrá, muitte mu ja ane mus fuola, mávssat daidda geat doarridit mu! Ale divtte iežat gierdavašvuođa šaddat munnje sorbmin. Donhan oainnát mo sii hiddjidit mu du dihte! 16 Go mun ožžon du sániid, de mun borren daid. Dat ledje mu ávvu ja váibmon illu, danin go du namma lea celkojuvvon mu badjel, Hearrá, Almmiveagaid Ipmil. 17 Mun in leat čohkkán suohtastalliid searvvis, okto mun lean čohkkán, danin go du giehta deaddá mu, ja don leat deavdán mu moriinat. 18 Manin mu bávččaš ii noga goassege, manin mu hávvi ii savvo? Don leat šaddan munnje dego goikan johka, čáhci masa olmmoš ii sáhte dorvvastit. 19 Dan dihte, ná cealká Hearrá: Jos don jorgalat, de mun suovan du máhccat šaddat mu bálvaleaddjin. Jos don čuolddát gealbboheami das mii lea gelbbolaš, de don oaččut leat mu njálbmin. Dalle olbmot jorgalit du beallái, muhto don it galgga jorgalit sin beallái. 20 Mun dagan du nana bronsamuvran. Vaikko dát álbmot soahtá duinna, de dat ii biđe dus, danin go mun lean duinna, mun beasttán du ja gájun du, cealká Hearrá. 21 Mun gájun du baháid gieđas ja lonistan du veahkaválddálaččaid válddis. |
| < Forrige kapittel | Neste kapittel > |
Lukk X
Her kan registrerte brukere snart lagre egne kommentarer på det valgte verset.
Nå lager vi ny nettbibel
Nettbibelen blir ny høsten 2023. Vi ruller ut nye funksjoner fortløpende, og trenger din hjelp til å teste og gi tilbakemelding.
Test på beta.bibel.no