Sálbma 122
1 Bassivádjoluslávlla. Davida sálbma.
Mun illosin go munnje daddjojuvvui:
Boađe, vulgot Hearrá vissui!
2 Dál mii čuožžut du poarttain,
Jerusalem.
3 Jerusalem, don leat min gávpot,
deike min álbmot čoahkkana,
4 deike vádjolit min čearddat,
Hearrá čearddat.
Dáppe Israel rámida Hearrá nama,
nugo lea mearriduvvon.
5 Dáppe leat duopmárstuolut,
Davida soga truvnnut.
6 Rohkadallet ráfi Jerusalemii!
Vare dat geat ráhkistit du,
ealášedje ráfis!
7 Vare du muvrraid siste livččii ráfi,
oadjebasvuohta du ladniin!
8 Vieljaidan ja ustibiiddán dihte
mun sávan dutnje ráfi.
9 Hearrá, min Ipmila, viesu dihte
mun bivddán du ávkki.