1 Til korleiaren. Ein salme av David.
Hos Herren søkjer eg tilflukt.
Korleis kan de seia til meg:
«Fly opp i fjellet som ein fugl!
2 For sjå, dei lovlause spenner bogen
og legg si pil på strengen;
i mørkret vil dei skyta på dei ærlege av hjartet.
3 Når grunnvollane blir rivne bort,
kva kan den rettferdige gjera?»
4 Herren er i sitt heilage tempel,
Herren har si trone i himmelen.
Auga hans ser,
han prøver menneska med sitt blikk.
5 Herren prøver rettferdige og urettferdige,
han hatar dei som elskar vald.
6 Over dei urettferdige lèt han det regna gloande kol og svovel,
gloheit vind får dei i sitt beger.
7 Rettferdig er Herren,
han elskar rettferdige gjerningar.
Dei ærlege får sjå hans andlet.