Bibelsøk

Søk
Velg oversettelse
Hvor finner jeg...

Tilbake til oversikten

Paulusa girji filippilaččaide

1 2 3 4

Forrige kapittelNeste kapittel

Kristusa vuollegašvuohta
2Jos Kristusa ráhkisvuohta jeđđe ja arvvosmahttá min, jos Vuoiŋŋa searvevuohta čatná min oktii ja jos mii dovdat láđisvuođa ja árkkálmastinvuođa guhtet guimmiideametguin,  2 de dahket mu ilu ollisin ja lehket ovttamielalaččat. Ellet seammá ráhkisvuođas ja seammá miellalágis,  3 allet daga maidege iešbuorrevuođas dahje gudneáŋgirvuođas, muhto atnet vuollegašvuođas earáid alibun go iežadet.  4 Allet háhpohala dušše iežadet ávkki, muhto maiddái earáid ávkki.  5 Lehkos dis seammá miellaláhki mii Kristus Jesusis lei.
          
   
 6 Sus lei Ipmila hápmi,
          muhto son ii atnán iežas vuoigatvuohtan
          leat Ipmila veardásaš.
          
   
 7 Son hilggui buot mii sus lei,
          válddii bálvaleaddji hámi
          ja šattai olbmuid láhkásažžan.
          Son elii olmmožin olbmuid gaskkas,
          
   
 8 son vuolidii iežas
          ja lei gulolaš jápmima rádjái,
          velá ruossajápmima rádjái.
          
   
 9 Dan dihte Ipmil lea alidan su badjelii buot
          ja addán sutnje nama
          mii lea badjel buot namaid.
          
   
10 Jesusa nammii buohkat šaddet čippostit,
          buohkat geat leat almmis, eatnama alde
          ja eatnama vuolde,
          
   
11 ja juohke njuovčča šaddá dovddastit
          ahte Jesus Kristus lea Hearrá,
          Ipmil Áhččái gudnin.

Ipmila mánát máilmmis
12 Dan dihte, ráhkkásiiddán, nugo dii lehpet jeagadan mu álo go lean leamaš din luhtte, de jeagadehket sakka eambbo dál go mun orun eret: Barget bestojuvvot baluin ja doarggistemiin. 13 Dasgo Ipmil lea dat guhte duddjo din siste vai dii sihke dáhttubehtet ja dahkabehtet dan mii lea su buori dáhtu mielde. 14 Dahket buot nimmorkeahttá ja almmá ákkaid haga 15 vai šaddabehtet láitemeahttumin ja buhtisin, Ipmila máinnehis mánnán dán gážžáris jorggu buolvva gaskii. Dii báitibehtet dego násttit almmis 16 go doallabehtet gitta eallima sánis, ja mun beasan rámádallat Kristusa beaivvi das ahte in leat viehkan ja rahčan duššás. 17 Vaikko vel mu varrage golggahuvvošii go mun buvttán din oskku oaffarin Ipmilii, de mun dattetge lean ilus ja ávvudan dinguin buohkaiguin. 18 Lehket maiddái dii ilus ja illudehket oktan muinna.
Timoteus ja Epafroditus
19 Hearrá Jesus lea addán munnje dan doaivvu ahte mun fargga beasan vuolggahit Timoteusa din lusa, vai maiddái mun arvvosmuvan go gulan didjiide ságaid. 20 Mus ii leat oktage su láhkásaš, ii oktage gii nu vuoiggalaččat anášii dis fuola, 21 danin go buohkat bivdet dušše iežaset ávkki eaige dan mii gullá Jesus Kristusii. 22 Muhto Timoteusa oskkáldasvuođa dii dovdabehtet: Son lea oktan muinna ovddidan evangeliuma dego bárdni gii bálvala áhčis. 23 Mun sávan beassat vuolggahit su din lusa nu fargga go oainnán mo munnje geavvá. 24 Ja mun luohtán Hearrái ahte mun ieš fargga beasan boahtit din lusa.
   
25 Dál mun goit šattan vuolggahit din lusa vielljamet Epafroditusa, iežan guoimmi barggus ja soađis. Son lea maid din áirras gii bođii veahkehit dalle go mun dárbbašin veahki. 26 Son ohcala din buohkaid ja lea morrašis go dii leiddet gullan ahte son lei buohcamin. 27 Buohcamin son maid lei, goasii jápmimin, muhto Ipmil árpmihii su, iige dušše su muhto maiddái mu, aman oažžut ođđa morraša lassin ovddežiidda. 28 Dan dihte mun dađe movttegeappot vuolggahan su din lusa, vai beassabehtet illudit go fas oaidnalehpet, ja vai munge livččen uhcit morrašis. 29 Váldet su vuostái stuora iluin Hearrá nammii ja gudnejahttet su lágan olbmuid. 30 Dasgo Kristusa barggu dihte son goasii jámii. Son bijai iežas heakkavárrii vai beasai addit munnje dan veahki maid dii ehpet sáhttán addit.
Fil 2,3 viser til Gal 5,26
Fil 2,6 viser til Joh 1,1, Joh 17,5
Note vuoigatvuohtan: Paulus várra geardduha árat kristtalaš sálbma. \f* \f - \fr 2,6 \fq vuoigatvuohtan: sáhttá maid jorgaluvvot “rievideapmi”.
Fil 2,9 viser til Ef 1,21, Hebr 1,3
Note badjel buot namaid: Ipmila iežas namma. Vrd. \+xt 2 Mos 3,13–15; Sál 148,13; Sak 14,9\+xt*. Hearrá.
Fil 2,12 viser til Ef 6,5, 1 Pet 0,0
Note baluin ja doarggistemiin: Dajaldaga duogáš lea juvddálaččaid oskkus; mearkkašupmi lea rievttes miellaguoddu Ipmilii.
Fil 2,17 viser til Rom 15,16, 2 Kor 0,0, 2 Tim 0,0
Note golggahuvvošii: Paulus várra čujuha iežas jápmimii
Fil 2,25 viser til Fil 4,18
Note Epafroditus: namahuvvo dušše dán girjjis. Gč. \+xt 4,18.
Forrige kapittelNeste kapittel

22. april 2021

Dagens Bibelord

Jesaja 40,26–31

Les i nettbibelen

26Løft blikket mot det høye og se: Hvem har skapt alt dette? Han som teller stjerners hær, fører dem ut og kaller dem alle ved navn. Hans kraft er så stor og hans styrke så veldig at ikke én skal mangle. ... Vis hele teksten

26Løft blikket mot det høye og se: Hvem har skapt alt dette? Han som teller stjerners hær, fører dem ut og kaller dem alle ved navn. Hans kraft er så stor og hans styrke så veldig at ikke én skal mangle. 27Hvorfor tenker du, Jakob, hvorfor sier du, Israel: «Min vei er skjult for Herren, min Gud bryr seg ikke om min rett»? 28Vet du ikke, har du ikke hørt? Herren er den evige Gud som skapte jordens ender. Han blir ikke trett og ikke sliten, ingen kan utforske hans forstand. 29Han gir den trette kraft, og den som ikke har krefter, gir han stor styrke. 30Gutter blir trette og slitne, unge menn snubler og faller. 31Men de som venter på Herren, får ny kraft, de løfter vingene som ørnen, de løper og blir ikke slitne, de går og blir ikke trette.