Bibelsøk

Søk
Velg oversettelse
Hvor finner jeg...

Tilbake til oversikten

Jesaja

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66

Forrige kapittelNeste kapittel

Babylon duššá
13Sátni Babylona hárrái. Dan oaččui oainnáhusas Jesaja, Amosa bárdni.
          
   
 2 Bajidehket soahteleavgga báljes várrái,
          čurvot olbmuide,
          sevvet sin čoahkkanit
          oaivámuččaid poarttaide.
          
   
 3 Mun gohčun vihahuvvon olbmáidan
          ollašuhttit iežan moarreduomu,
          mun rávkkan soahteolbmáidan,
          gorges, ávvudeaddji veagaidan.
          
   
 4 Gula! Šlápma váriin
          dego stuorra soahteveaga šlápma.
          Gula! Olbmuid márra,
          sii čoahkkanit buot riikkain.
          Hearrá, Almmiveagaid Ipmil,
          geahčada soahteveagas.
          
   
 5 Sii bohtet gáiddus eatnamis,
          olggumus almmiravddas,
          Hearrá ja su moari gaskaoamit.
          Sii duššadit oppa eatnama.
          
   
 6 Fuikot, danne go Hearrá beaivi lea lahka,
          dat boahtá heavahussan Buotveagalaččas.
          
   
 7 Danne njurret buot gieđat,
          buot jálluvuohta suddá.
          
   
 8 Sii suorganit,
          ávttat ja bákčasat dohppejit sin
          dego riegádahtti nissona.
          Ráđeheamit sii gehččet
          guhtet guimmiidasaset,
          sin ámadajut šovkkodit.
          
   
 9 Hearrá beaivi boahtá hirpmusin,
          moriin ja buolli suhtuin.
          Dat dahká eatnama ávdimin
          ja duššada das buot suttolaččaid.
          
   
10 Almmi násttit ja nástegovadagat
          heitet báitimis.
          Beaivváš lea seavdnjat go dat badjána,
          mánnu ii atte čuovggas.
          
   
11 Mun ráŋggáštan eatnama
          dan bahávuođa dihte,
          ipmilmeahttumiid
          sin vearredaguid geažil.
          Mun loahpahan snielis olbmuid čeavlli
          ja vuolidan veahkaválddálaččaid
          goarratvuođa.
          
   
12 Mun dagan olbmuid
          hárvvibun go buhtis golli,
          hárvvibun go Ofira golli.
          
   
13 Hearrá, Almmiveagaid Ipmila,
          moarri doarggistahttá almmi
          ja lihkastahttá eatnama sajistis
          su buolli moari beaivvi.
          
   
14 Dego ballán gasellat,
          dego sávzzat maid ii oktage čohkke,
          sii báhtarit juohkehaš álbmogis lusa,
          juohkehaš iežas eatnamii.
          
   
15 Dat gii dohppehallá, rehttejuvvo,
          dat gii juvssahallá,
          gahččá miehkkái.
          
   
16 Uhca mánážat cuvkejuvvojit
          sin čalmmiid ovdii,
          viesut speddjojuvvojit
          ja nissonat rihppojuvvojit.
          
   
17 Mun hásttuhan
          medialaččaid sin vuostá.
          Sii eai beroš silbbas
          eaige háliduva gollái.
          
   
18 Sin dávggit njeidet nuoraid.
          Sii eai árkkálmastte mánáid,
          sii eai árpmit uhcahaččaid.
          
   
19 Babylonii, riikkaid kruvdnui,
          kaldealaččaid čikŋii ja goargatvuhtii,
          geavvá seammá ládje go dalle go Ipmil
          duššadii Sodoma ja Gomorra.
          
   
20 Ii oktage ása šat dohko,
          dat lea ávdin buolvvas bulvii.
          Doppe ii cegge goađi oktage arabalaš,
          guođoheaddjit eai divtte ealuid
          livvadit doppe.
          
   
21 Muhto doppe njaŋgájit meahcieallit,
          šakálat devdet viesuid.
          Doppe orodit skuolffit
          ja njuikkodit guolgás meahcigáiccat.
          
   
22 Ladniin orrot meahcibeatnagat,
          šakálat hearvás lanjain.
          Babylona áigi lahkona,
          dan beaivvit leat lohkkojuvvon.

   
Jes 13,1 viser til Jes 21,1, Jer 50,1, Jer 51,1
Note Babylon: >\+xt 1 Mos 11,9.
Note sin: persialaččat ja medialaččat, geat galge vuoitit babylonialaččaid (“oaivámuččaid”).
Jes 13,6 viser til Joel 1,15
Note Buotveagalaččas: hebreagillii Šaddai. Buotveagalaš.
Note arabalaš: dás álbmot mii johttá sáttomeahcis.
Jes 13,21 viser til Jes 34,13, Jer 50,39, Sef 2,14
Note meahcigáiccat: teavstta hebreagiel sáni mearkkašupmi sáhttá leat “bahás vuoiŋŋat” dahje “ipmilat elliid hámis”. Septuagintas lea “bahás vuoigŋa”. Vrd. \+xt 3 Mos 17,7; Alm 18,2.
Forrige kapittelNeste kapittel

22. april 2021

Dagens Bibelord

Jesaja 40,26–31

Les i nettbibelen

26Løft blikket mot det høye og se: Hvem har skapt alt dette? Han som teller stjerners hær, fører dem ut og kaller dem alle ved navn. Hans kraft er så stor og hans styrke så veldig at ikke én skal mangle. ... Vis hele teksten

26Løft blikket mot det høye og se: Hvem har skapt alt dette? Han som teller stjerners hær, fører dem ut og kaller dem alle ved navn. Hans kraft er så stor og hans styrke så veldig at ikke én skal mangle. 27Hvorfor tenker du, Jakob, hvorfor sier du, Israel: «Min vei er skjult for Herren, min Gud bryr seg ikke om min rett»? 28Vet du ikke, har du ikke hørt? Herren er den evige Gud som skapte jordens ender. Han blir ikke trett og ikke sliten, ingen kan utforske hans forstand. 29Han gir den trette kraft, og den som ikke har krefter, gir han stor styrke. 30Gutter blir trette og slitne, unge menn snubler og faller. 31Men de som venter på Herren, får ny kraft, de løfter vingene som ørnen, de løper og blir ikke slitne, de går og blir ikke trette.