Bibelsøk

Søk
Velg oversettelse
Hvor finner jeg...

.

Tilbake til oversikten

Amos

1 2 3 4 5 6 7 8 9

Neste kapittel
1Amosa sánit. Amos lei sávzageahčči Tekoa guovllus. Dáid sániid Israela hárrái son oaččui guokte jagi ovdal eanandoarggástusa. Dalle Juda gonagassan lei Ussia ja Israela gonagassan Jeroboam, Joaša bárdni.
          
   
 2 Ná Amos sártnui:
          Hearrá čeargu Sionis,
          su jietna jupmá Jerusalemis.
          Dalle guođoheddjiid
          guohtuneatnamat moraštit,
          Karmela aláš goiká.

Israela ja dan ránnjáálbmogiid duopmu
     3 Ná cealká Hearrá:
          Danin go Damaskus lea dahkan
          vearredagu vearredagu maŋŋil,
          de dan duopmu ii rievdda.
          Sii leat cuvken Gileada
          ruovdegordnenreagaiguin.
          
   
 4 Mun vuolggahan dola Hasaela šlohttii,
          ja dat duššada Ben-Hadada ladniid.
          
   
 5 Mun cuvken Damaskusa poartta smartti,
          duššadan ráđđejeaddji Bikat-Avenis
          ja dan gii guoddá ráđđensoappi Bet-Edenis.
          Arama álbmot dolvojuvvo eatnamisttis Kirii,
          cealká Hearrá.
          
   
 6 Ná cealká Hearrá:
          Danin go Gaza lea dahkan
          vearredagu vearredagu maŋŋil,
          de dan duopmu ii rievdda.
          Sii leat dolvon olles giliid fáŋgan
          ja addán daid olbmuid Edoma gihtii.
          
   
 7 Mun vuolggahan dola Gaza muvrii,
          ja dat duššada gávpoga ladniid.
          
   
 8 Mun duššadan ráđđejeaddji Ašdodis
          ja dan gii guoddá Aškelona ráđđensoappi.
          Mun lokten gieđa Ekrona vuostá,
          ja filistalaččaid bázahas duššá,
          cealká Hearrá Ipmil.
          
   
 9 Ná cealká Hearrá:
          Danin go Tyros lea dahkan
          vearredagu vearredagu maŋŋil,
          de dan duopmu ii rievdda.
          Sii leat addán Edoma gihtii olles giliid fáŋgan
          eaige leat muitán vielljavuođalihtu.
          
   
10 Mun vuolggahan dola Tyrosa muvrii,
          ja dat duššada gávpoga ladniid.
          
   
11 Ná cealká Hearrá:
          Danin go Edom lea dahkan
          vearredagu vearredagu maŋŋil,
          de dan duopmu ii rievdda.
          Sii leat doarrádallan vieljaideaset mihkiin
          eaige leat dovdan váibmoláđisvuođa.
          Sin moarri lea buollán čađat,
          iige sin suhttu leat nohkan goassege.
          
   
12 Mun vuolggahan dola Temanii,
          dat duššada Bosra ladniid.
          
   
13 Ná cealká Hearrá:
          Danin go ammonlaččat leat dahkan
          vearredagu vearredagu maŋŋil,
          de sin duopmu ii rievdda.
          Sii luddo Gileada áhpehis nissoniid
          vai besse viiddidit rájiideaset.
          
   
14 Mun cahkkehan dola Rabba muvrii,
          ja dat duššada gávpoga ladniid
          go soahtečuorvasat skádjet soađi beaivvi,
          go riđđuda jorrebiekka beaivvi.
          
   
15 Sin gonagas dolvojuvvo fáŋgavuhtii
          oktan oaivámuččaidisguin,
          cealká Hearrá.

   
Am 1,1 viser til 2 Gon 14,23, 2 Gon 15,1, Jes 1,1, Hos 1,1+, Am 7,14
Note Tekoa: uhca gávpogaš sullii 17 km Jerusalema lulábealde. \fq ovdal eanandoarggástusa: Áigi lea dovdameahttun. Israelis ledje dávjá eanandoarggástusat, ja okta namahuvvo gonagas Ussia áiggis, gč. \+xt Sak 14,5.
Am 1,3 viser til 2 Sam 12,31, 2 Gon 8,12, 2 Gon 13,7, Jes 17,1, Jer 49,23, Sak 9,1
Note cuvken: masorehtalaš teavsttas lea “ráidnen”.
Note Bikat-Aven: soaitá leat leahki Libanona ja Antilibanona gaskkas. \fq Bet-Eden: aramealaš riika Eufrateatnogáttis dahje Damaskusa lahka. \fq Kir: eanan Mesopotamias, aramealaččaid ruovttuguovlu. Vrd. \+xt 2 Gon 16,9; Jes 22,6; Am 9,7.
Am 1,12 viser til Jes 63,1
Note Teman: guovlu Edomis, dávjá adnojuvvon oppa riikka birra. \fq Bosra: gávpot Edomis.
Note Rabba: ammonlaččaid oaivegávpot, dálá Amman. ammonlaččat.
Neste kapittel

06. desember 2021

Dagens bibelord

Salmane 65,10–14

Les i nettbibelen

10Du gjestar jorda og lèt henne drikka djupt, du gjer henne overdådig rik. Guds bekk er full av vatn, du sørgjer for kornet, ja, såleis sørgjer du for henne. 11Du vatnar fòrene, jamnar plogveltene, med regnskurer gjer du jorda mjuk, du velsignar hennar grøde. ... Vis hele teksten

10Du gjestar jorda og lèt henne drikka djupt, du gjer henne overdådig rik. Guds bekk er full av vatn, du sørgjer for kornet, ja, såleis sørgjer du for henne. 11Du vatnar fòrene, jamnar plogveltene, med regnskurer gjer du jorda mjuk, du velsignar hennar grøde. 12Du kronar året med dine gode gåver, spora dine flyt over av rikdom, 13beita i øydemarka flyt over, haugane smykkar seg med jubel. 14Markene kler seg med sauer, dalane sveiper seg i korn. Dei ropar av glede, dei syng.