1 Av David.
Eg vil takka deg av heile mitt hjarte,
syngja og spela framfor gudar.
2 Eg bøyer meg mot ditt heilage tempel,
eg prisar ditt namn for di miskunn og din truskap.
Du har gjort ditt namn og ditt ord
større enn alt.
3 Du svara meg den dagen eg ropa,
du fylte meg med styrke.
4 Alle kongar på jorda skal takka deg, Herre,
når dei høyrer orda frå din munn.
5 Dei skal syngja om Herrens vegar,
for Herrens herlegdom er stor.
6 Høg er Herren, men han ser den låge
og kjenner den stolte på lang avstand.
7 Går eg i trengsle, held du meg i live,
du retter handa ut mot mine arge fiendar,
di høgre hand bergar meg.
8 Herren skal gjera vel mot meg.
Herre, di miskunn varer evig.
Svikt ikkje ditt verk!