Jupmelen vijsiesvoete
1 Åerpenh, gosse dijjen gåajkoe böötim, idtjim Jupmelen mysterijumen bïjre håalohkelaakan jïh vijsieslaakan håaloeh. 2 Aajne Jeesus Kristusen bïjre gie kroessese noeresovvi, sïjhtem govledh gosse dijjen luvnie lim. 3 Viesjie jïh aerkie lim jïh bïlleminie gosse dijjen uvte tjåadtjoeminie. 4 Idtjim mov saerniem håalohkelaakan jïh vijsieslaakan saernesth. Voejkeninie jïh faamojne soptsestehtim. 5 Dijjen jaahkoe ij almetjen vijsiesvoeten nille tseegkesovvh. Jupmelen faamoen nille hov tseegkesovveme.
6 Vijsiesvoetem badth saerniedibie geerve almetjidie, vijsiesvoetem mij ij leah veartanistie jallh veartenen faamoeladtjijste gïeh beajstalgieh. 7 Mijjieh amma Jupmelen mysterijumem håalobe. Jupmele gaajhki biejjiej åvtelen ussjedi dïhte edtja mijjem hearlohkevoetese vaedtsiehtidh. 8 Veartenen faamoeladtjh idtjin vijsiesvoetem damth. Jis dam lin damteme, dellie idtjin hearlohkevoeten Åejviem kroessese noerh. 9 Naemhtie hov tjaalasovveme:
Dam maam idtji naan tjelmie vuejniehjïh idtji naan bieljie govlhjïh idtji naan vaajmoste båetieh,dam Jupmele illeme dejtie gïeh altemse iehtsieh10 dam hov Jupmele mijjese Voejkenen viehkine vuesiehtamme juktie Voejkene gaajhkem gïehtjede, dovne Jupmelen gïengelesvoetem.
11 Gie daajra mij almetjisnie? Almetjen voejkene gujht daajra. Ajve Jupmelen Voejkene daajra mij Jupmielisnie. 12 Ibie veartenen aajmoem åådtjeme. Jupmielistie Voejkenem libie åådtjeme guktie daejrebe magkeres vadtesh Jupmele mijjese vadteme. 13 Ibie soptsesth guktie almetjen vijsiesvoete mijjem ööhpehte, mohte soptsestibie guktie Voejkene ööhpehte. Voejkeninie guarkebe dam maam voejkenistie. 14 Almetje ij dåastohth dam maam Jupmelen Voejkene jeahta. Dïhte lea jiermehtsvoete almetjasse gie dam ij guarkah juktie dam ajve voejkeninie maahta guarkedh. 15 Mohte almetje gie Voejkeninie aktesne, gaajhkem guarkoe. Ij gie maehtieh dam almetjem gïehtjedidh.
16 Gie daajra Åejvien åssjalommeshguktie maahta Åejviem raeriestidh?Mijjen lea Kristusen mïele!