Orre båvroe: gieriesvoete
1 Mov maanah, daam dijjese tjaalam: aellede miedtieh. Jis gie meadta, dellie mijjen vaarjelæjja Aehtjien luvnie, dïhte Jeesus Kristuse gie rïektesvoetesne. 2 Sjïeline lea mijjen sådtoej gielhtie. Ij ajve mijjen sådtoej gielhtie gænnah, veartenen gaajhki sådtoej gielhtie.
3 Daejrebe Jeesus Kristusem damtebe gosse altese båvroej mietie jielebe. 4 Dïhte gie jeahta: «Altemse damtem», jïh ij altese båvrojde goltelh, dïhte slognestæjjine lea, jïh saetniesvoete ij dan almetjen leah. 5 Jupmelen gieriesvoete saetnieslaakan illesovveme almetjen luvnie gie Jupmelen baakoeh goltele. Dan gielhtie maehtebe daejredh altasisnie libie. 6 Dïhte gie jeahta: «Altasisnie leam», galka dåemiedidh guktie Jeesuse dåemiedi.
7 Mov gieries voelph! Im orre båvroem dijjese tjaelieh, mohte båeries båvroem tjaalam maam aalkovistie lidie åtneme. Dam lidie govleme. 8 Læjhkan orre båvroem tjaalam mij altasasse jïh dijjese saatnan lea. Juktie jemhkele hååvje, jïh saetnies tjoevke joe tjuavka. 9 Dïhte gie jeahta satne tjoevkesne lea, mohte vïellebem aassjoste, dïhte annje jemhkielisnie. 10 Dïhte gie vïellebem eahtsa, tjoevkesne lea, jïh ij gïem gahtjehth. 11 Dïhte gie vïellebem aassjoste, jemhkielisnie lea jïh jemhkielisnie vaadtsehtje. Ij daejrieh gåabpoeh vaadtsa juktie jemhkielistie tjelmiehtadtje sjïdteme.
Aellieh iehtsieh veartenem!
12 Dijjese, maanide, tjaalamjuktie dijjen sådtoeh luajhtasovvemealtese nommen gaavhtan.13 Dijjese, aehtjide, tjaalamjuktie altemse damtede gie aalkovistie lea.Dijjese, noere almetjidie, tjaalamjuktie bahhasvoetem lidie hååjhteme.14 Dijjese, maanide, manne tjaalemejuktie Aehtjiem damtede.Dijjese, aehtjide, tjaalemejuktie altemse damtede gie aalkovistie lea.Dijjese, noeride, tjaalemejuktie veaksehke lidie:Jupmelen baakoeh dijjen luvnie,jïh dijjieh bahhasvoetem hååjhteme.15 Aellede veartenem iehtsieh jallh dam mij veartanisnie! Aehtjien gieriesvoete ij almetjisnie leah gie veartenem eahtsa. 16 Juktie gaajhke mij veartanisnie – åedtjien oste, tjelmiej oste jïh ræjhkoes almetjen garmerdimmie – ij Aehtjeste leah, mohte veartanistie. 17 Juktie abpe veartene jïh dan oste dåssjanieh. Dïhte gie dorje dam maam Jupmele sæjhta, ihkuve aajkan jeala.
Gosse Kristuse båata
28 Maanah, årrode Kristusisnie! Dellie maehtede fraakas årrodh gosse Kristuse volvere, jïh ibie daarpesjh skaamasjidh gosse båata. 29 Gosse daejrede Kristuse rïektesvoetesne lea, dellie guarkede fïerhte almetje gie rïekteslaakan dåemede, altese maana lea.