Aejlies Voejkene båata
1 Pængstebiejjien dellie gaajhkesh dovnesh lin tjåanghkenamme. 2 Dellie elmeste sjåvva goh værtoste jïh dïhte abpe gåetiem deavhta gusnie tjahkan. 3 Dellie vuejnieh skomtjelh fïereguhtese tjöödtjestieh. 4 Jïh fïereguhte Aejlies Voejkeninie deavhtasåvva jïh aalka jeatjah gïeline soptsestidh guktie Voejkene sæjhta.
5 Jerusalemesne jaahkoles juvdeladtjh abpe veartanistie årroeminie. 6 Gosse dam tjoejem guvlieh, stoere krirrie tjåanghkene. Håmpalieh gosse fïereguhte jïjtse gïelem gåvla. 7 Alvesedtieh jïh ipmierdieh. Dellie gihtjieh: «Eah dah Galilejeste, gaajhkesh gïeh soptsesteminie? 8 Guktie dellie fïereguhte mijjeste maahta jïjtse ietnien gïelem govledh? 9 Mijjieh libie parteladtjh, medialadtjh jïh elameladtjh, almetjh gïeh Mesopotamiaste, Judejeste jïh Kappadokiaste, Pontoseste jïh Asiaste, 10 Frygiaste, Pamfyliaste, Egypteste jïh Libian Kyrenaiosen dajvijste, mijjieh libie dovne Romeste båateme, 11 juvdeladtjh libie dovne almetjh gïeh juvdeladtji jaahkose båateme, mijjieh dovne Kreteste jïh Arabiaste båateme – jïh mijjieh govlebe guktie Jupmelen åavtoej bïjre fïereguhten gïeline soptsestieh.» 12 Idtjin daejrieh maam edtjin jaehkedh, jïh sinsitniem gihtjin: «Mij amma daate?» 13 Mohte såemies aahpeldin jïh jeehtin: «Tjïervenamme juktie sieties vijnem jovkeme!»
Pïehtere hååle
14 Dellie Pïehtere jïh dah luhkie-aktesh tjuedtjielin: Pïehtere eelki almetjidie soptsestidh: «Juvdeladtjh jïh gaajhkesh dovnesh gïeh Jerusalemesne, vïhtesjadtede jïh goltelidie maam jeahtam! 15 Eah daah ålmah tjïervesisnie guktie dijjieh jaehkede. Daelie annje aerede. 16 Ijje! Profeete Jo-el daan bïjre såårneme:
17 Biejjie golh båatagosse mov Voejkenem gaajhkide almetjidie vadtam.Dijjen baernieh jïh nïejth edtjieh mievriestidh;dijjen noerh edtjieh jæjhtahtalledhjïh dijjen voeresh edtjieh nïekedidh.18 Dovne slaave-gaarmanæjjide jïh slaave-nyjsenæjjidemov Voejkenem vadtamjïh dah edtjieh mievriestidh.19 Elmierïjhkesne jïh eatnamisnie edtjem tjaatsestidhvïrrine, dålline jïh soevine.20 Biejjie galka jamhkedh,jïh aske maeleste rååpsedidhaerebe goh Åejvien biejjie båatadïhte stoere jïh klienjiedihks biejjie.21 Fïereguhte gie Åejvien nommem gohtje,gorredåvva hov.22 Jisraelehkh, goltelidie! Jupmele Jeesusem, gie Nasareteste lij, dijjem veeljeme jïh dam nænnoesti gosse Jeesuse faamohks dahkoeh, åavtoeh jïh væhtah darjoeji. Dam dijjieh aaj daejrede. 23 Jeesuse dijjese vadtasovvi guktie Jupmele aeriebistie eajhnadovveme jïh ussjedamme. Jeesusem kroessese noeridh jïh buvviejidh laakehts almetji viehkine. 24 Mohte Jupmele altemse lutnjesti jïh jaamemen vaejvijste lutniesti juktie jaameme idtji buektieh altemse steeredh. 25 Juktie David Jeesusen bïjre jeahta:
Iktesth Åejviem vuartesjem,mov åelkies bielesne leaguktie im edtjh rirviehtidh.26 Dannasinie aavoe mov vaajmosne,jïh mov njoektjeme håatjajïh mov krehpie håhkosne lïegkede.27 Juktie ih datne baajhmov sealoem jaemieh-aajmosne årrodhjïh dov aejlieskodtjem smualkedh.28 Datne jieleden geajnojde vuesiehtamme.Datne mannem aavojne deavhtahgosse dov ååredæjjam vuajnam.29 Mov vïellh, Daviden, mijjen maadtoen bïjre dijjese hov soptsestem. David sealadamme jïh juvlelgamme. Altese kroepte annje daajroes. 30 David amma profeete jïh deejri Jupmele våårneme Daviden elkie edtja altese åajvemes tjahkes-sijjesne tjahkasjidh. 31 Numhtie dellie mievriesti jïh saarnoeji Messija edtja jaemiedistie tjuedtjielidh: Ij galkh jaemiedasse baetsedh jïh altese krehpie ij galkh smualkedh. 32 Jupmele Jeesusem lutnjesti. Gaajhkesh maehtebe dam vïhnesjidh. 33 Jupmelen åelkies bealan lutnjesovvi jïh Aejlies Voejkenem dåastoeji guktie dåajvoehtamme lij. Daelie Voejkenem joekedamme guktie vuejnede jïh govlede. 34 Idtji David bæjjese alman vuelkieh. Jeahta hov:
Åejvie mov åajvan jeehti:Tjihkedh mov åelkies bealan,35 goske dov vidtjie-nïeride leamdov juelkie-stehkine bïejeme.36 Dellie amma gaajhkh jisraelehkh daejrieh: Jupmele Jeesusem, gïem dijjieh kroessese noeridh, Åejvine jïh Messijinie dorjeme.»
37 Gosse daam govlin, dellie straavvesovvin. Dellie Pïehterem jïh mubpide apostelidie gihtjieh: «Vïellh, maam galkebe darjodh?» 38 Pïehtere vaestede: «Jarkede jïh lååvkesovvede Jeesus Kristusen nommesne guktie maehtede dijjen sådtojste luajhtasovvedh. Dellie Aejlies Voejkenem vadtesinie åadtjode. 39 Dååjvehtasse dijjese jïh dijjen maanide jïh dejtie gïeh guhkene leah jïh dejtie giejtie Åejvie, mijjen Jupmele, sæjhta gåhtjodh.» 40 Pïehtere jeatjahlaakan aaj soptsesti jïh saarnoehti: «Gorredovvede daehtie nåake slïekteste.» 41 Dah gïeh Pïehterem goltelin, lååvkesovvin. Dan biejjien mahte golme-stoeretjuetie jienebh jaahkoles sjïdtin.
Jaahkoeladtji ektievoete
42 Stinkeslaakan goltelin dam maam apostelh bïhkedin jïh åålmegisnie aktesne lin jïh laejpiem tsööpkin jïh rohkelin.
43 Gaajhkh almetjh bïllijin, jïh apostelh jïjnjh åavtoeh jïh væhtah darjoejin. 44 Jaahkoeladtjh tjåanghkenin jïh gaajhkem aktesne utnin. 45 Gaajhkh eekh doekin jïh gaajhkesidie joekedin guktie fïereguhte daarpehti. 46 Aktesne lin jïh fïerhten biejjien teempelen sjåljose stynkehke tjåanghkenin. Gåetine laejpiem tsööpkin jïh saatnan jïh eensi lin gosse aavosne byöpmedin. 47 Jupmelem earoehtin, jïh gaajhkh almetjh dejtie iehtsiejin. Fïerhten biejjien Åejvie baaji orre almetjh gorredovvedh jïh åålmeginie aktanidh.