Jaahkoe jïh rïektesvoete
16 Mohte mijjieh daejrebe ij naan almetje rïektesvoetine sjïdth dahkoejgujmie mejtie laake krïebpesje. Rïektesvoetine sjïdtebe jaahkojne Jeesus Kristusasse. Dannasinie mijjieh aaj Kristus Jeesusasse håhkasjibie guktie mijjieh rïektesvoetine sjïdtebe jaahkojne Jeesus Kristusasse. Ibie dahkoejgujmie rïektesvoetine sjïdth. Ij gie rïektesvoetine dahkoejgujmie sjïdth. 17 Jis mijjieh juvdeladtjh sådtarinie libie gosse Kristusen rïektesvoetine libie, mejtie dellie Kristuse sådtoen dïenesjæjjine sjïdteme? Ijje! 18 Gosse vihth tseegkem dam maam manne skilkeme, dellie meadtoelassjine leam. 19 Laakine laakeste jeemim guktie edtjem Jupmielinie jieledh. Kristusinie kroessese noeresovveme leam. 20 Im jïjtje vielie jielieh, Kristuse hov mannine jeala. Gosse annje almetjinie jealam, jaahkojne Jupmelen Baarnan jealam gie mannem iehtsieji jïh jïjtjemse mov gaavhtan vedtieji. 21 Im Jupmelen aarmoem hiejhtieh. Jis maehtebe laakine rïekteslaaketje sjïdtedh, dellie Kristuse aevhkehth jeemi.