Maanah libie jïh ibie svaatjkoen nuelesne
23 Aerebe goh jaahkoe bööti, laaken vååjnedæjjesne limh goske jaahkoe buajhkoes sjïdti. 24 Nemhtie laake mijjem geehti goske Kristuse bööti guktie jaahkoen viehkine maehtebe rïektesvoetese båetedh. 25 Daelie gosse jaahkoem åådtjeme, dellie ibie vielie geehtijen gïeten nuelesne. 26 Gosse jaehkede, dellie gaajhkesh dovnesh Jupmelen maanah Kristus Jeesusen gielhtie. 27 Gosse lidie Kristusasse lååvkesovveme, dellie Kristusisnie gåårveldihkie. 28 Ij gie vielie juvdeladtje jallh grekeladtje, svaatjkoen nuelesne jallh jïjtjeråårehke, gaarmanæjja jallh nyjsenæjja. Gaajhkesh lidie Kristus Jeesusinie aktesne. 29 Jis Kristusen lidie, dellie Abrahamen boelvh jïh åårpegh lidie.