Almetje meadtahtalla
1 Gïermesje slåktehkommes gaajhkijste vijrijste mejtie Åejvie Jupmele sjugniedamme. Dïhte nyjsenæjjam gihtji: «Mejtie sån Jupmele jeahteme aelleden byöpmedh såafoen muerjijste?» 2 Nyjsenæjja vaestiedi: «Såafoen muerjijste åadtjoen byöpmedidh. 3 Mohte moeren muerjijste mij såafoen jarngesne, ean åadtjoeh byöpmedidh. Jupmele naemhtie jeahteme: Aelleden dejstie byöpmedh jallh dejtie doehtedh! Dellie amma jaemeden.» 4 Dellie gïermesje jeehti: «Idien gujht jaemieh. 5 Jupmele daajra gosse destie byöpmeden, dellie vuejneden jïh goh jupmele sjïdteden jïh daajroem åadtjoden buerievoeten jïh nåakevoeten bïjre.» 6 Dellie nyjsenæjja vööjni man njaelkie moeren muerjijste byöpmedidh jïh man hijven moere juktie daajroem vedtieji. Jïh dellie muerjijste byöpmedi. Gaarmanæjjese gie jïjtsinie aktesne, aaj vedtieji, jïh dïhte byöpmedi. 7 Dellie dej tjelmieh rïhpesin, jïh dellie vööjnigan såtnoeh båadtsode. Dellie lasth fijkonemoereste ullemen bïjre dibrehtigan.
8 Iehkedsbiejjien Åejvie Jupmelem govligan hïevje-bïegkesne såafosne vaadtsehtjeminie. Dellie gaarmanæjja gonnoeh nyjsenæjjah Åejvie Jupmielistie moeri duakan tjïekedigan. 9 Dellie Åejvie Jupmele gaarmanæjjese tjåarvoeji: «Gusnie datne?» 10 Gaarmanæjja vaestiedi: «Datnem såafosne govlim, dellie bïllijim jïh tjïekedim juktie båadtsode leam.» 11 Dellie Jupmele jeehti: «Gie dutnjien såårneme båadtsode leah? Datne muerjijste byöpmedamme maaje manne dam næhteme?» 12 Gaarmanæjja vaestiedi: «Nyjsenæjja maam datne munnjien vadteme, dïhte munnjien moeren muerjijste vedtieji, jïh dellie byöpmedim.» 13 Åejvie Jupmele nyjsenæjjam gihtji: «Maam datne jis dorjeme?» Nyjsenæjja vaestiedi: «Gïermesje mannem nolleli jïh dellie byöpmedim.»
14 Dellie Åejvie Jupmele gïermesjasse jeehti:«Fuarras leahjïh gaajhkijste kluhterijstie jïh vijrijste heajhtasovvemejuktie numhtie darjoejih.Jïjtjedh tjåejjien nelnie galkh goetsedhjïh multieh byöpmedidhabpe dov jielemem.15 Vidtjie galka dov jïh nyjsenæjjan gaskemsh sjïdtedhjïh nyjsenæjjan maanaj jïh dov tjovki gaskemsh.Dov åajjan gelkieh daltedidh.Datne jis galkh dej båetskide gaetskedh.»
16 Nyjsenæjjese jeehti:«Dutnjien lyövlehke gosse nåajsanjïh vaevine galkh baersieldidh.Dov gaarmanæjjam galkh tjohtjedhjïh dïhte galka datnem reeredh.»
17 Jïh gaarmanæjjese jeehti:«Juktie nyjsenæjjam goltelihjïh moeren muerjijste byöpmedihjalhts manne dam næhteme,dellie eatneme dov gielhtie gærroedovveme.Eatnamisnie galkh beapmoej mietie tjabredhabpe dov jielemem.18 Eatnamistie tåarne-stråmhpoehjïh haerjeme-kraesieh åadtjoeh.Eatnemen sjædtojste galkh byöpmedidh.19 Laejpiej åvteste galkh bïevestidhgoske eatnamasse juvlelghjuktie eatnamistie leah.Multie leah,multine galkh vihth sjïdtedh.»
20 Adam nyjsenæjjam Eejvine nommestehti juktie dïhte gaajhki jieliji ietnie. 21 Dellie Åejvie Jupmele gaarmanæjja gon nyjsenæjjese vaarjoeh skåerrijste darjoeji.
22 Åejvie Jupmele jeehti: «Daelie almetje goh mijjieh buerievoetem jïh nåakevoetem daajra. Ij amma åadtjoeh muerjiem jieleden moereste byöpmedidh guktie ihkuve aejkiem jeala.» 23 Åejvie Jupmele almetjem Edenistie hiejhtieji jïh stilli eatnemem utnedh juktie eatnamistie lea. 24 Almetjem destie hiejhtieji jïh Edenen såafoen luvlene kerubh jïh buelije sviertiem stilli geajnoem geehtedh jieleden moeren gåajkoe.