Njoektjeme
7 Gaajhkelaaketje kreekh jïh ledtieh, svïrregh jïh guelieh maehtieh almetjijstie deemesovvedh, jïh almetjh leah dejtie deememe. 8 Mohte njoektjemem ij gie gænnah maehtieh deemedh. Dïhte naemhtie jïh numhtie, bahha lea jïh dïeves daalhkesijstie mij båvva. 9 Dejnie heevehtibie mijjen Åejviem jïh Aehtjiem, jïh dejnie gærroedibie almetjidie gïeh Jupmelen guelmesne sjugniedovveme. 10 Heevehtimmie jïh gærroedimmie seamma njaelmeste båetieh. Mov åerpenh, aellede nuemhtie! 11 Mejtie tjïelke tjaetsie jïh baetskies tjaetsie seamma gaaltijistie gelkieh? 12 Mov åerpenh, mejtie fijkonemoere olivenh guadta jallh druvvamoere fijkonh? Saeltie-gaaltijistie ij jovkemes tjaetsie galkh.