Åejvie Jååvnam åabpa
1 Åejvie stoere gueliem stilli Jååvnam njïeledh. Jååvna golme biejjieh jïh golme jïjjh guelien tjåejjesne lij. 2 Jååvna Åajvan, jïjtse Jupmielasse rohkeli. 3 Jååvna jeehti:
Neavrosne Åajvan tjåarvoejim,jïh Åejvie munnjien vaestiedi.4 Datne mannem gïengeles vaavlan,mearoen duvvese,straejmiej sïjse hajkedi.Gaajhkh dov stoere baaroehmov åejjien bijjelen båaroejin.5 Manne ussjedim:Manne dov luvhtie njyörteme.Im gåessie vielie galkhdov aejlies teempelem vuejnedh?
6 Tjaetsie bæjjese mov tjovvese gabroeji,mearoen vaevlie mannem låevtieji,mov åejjie tjaetsie-raavrigujmie gïebrelosti.7 Våålese vaeriej maadtegidie våajoejim.Eatnemen stoere oksemov duekesne ihkuve aajkan gaptjelgi.Mohte datne Åejvie, mov Jupmele,mannem gaelmeste voelkehti.8 Gosse mov gaarkh nåhkeminie, Åejviem måjhtajimjïh mov rohkelassh dutnjienjïh dov aejlies teempelasse jaksin.
9 Dah gïeh bïegkem jïh gåaroesvoetem heevehtieh,gieriesvoetem laahpeme.10 Manne dutnjien laavloen gijhteleslaakan sjïeledem.Dam maam manne dåajvoehtamme,dam galkem darjodh.Gorredimmie Åejvien luvhtie båata.
11 Dellie Åejvie gualan soptsesti, jïh guelie Jååvnam gaadtan tjulli.