Jååvna Ninivesne
1 Åejvien baakoeh mubpesth Jonese böötin: 2 «Tjuedtjelh jïh vaedtsieh stoere staarese, Ninivese jïh soptsesth dam maam manne stillem.»
3 Jååvna tjuedtjieli jïh Ninivese veedtsi guktie Åejvie stilleme. Ninive ålvoes stoere staare, golme beajvesh mubpede bieleste mubpien bealan. 4 Jååvna eelki staaren tjïrrh vaedtsedh. Gosse aktem beajvesem vaadtseme, dellie tjåarvoeji: «Gosse njieljieluhkie biejjieh vaaseme, dellie Ninive galka smualkedh!»
5 Niniven almetjh Jupmelem jaehkiejin. Fååstin dovne maanah jïh geerve almetjh sårkoe-skuptjide gåårvedin. 6 Gosse Niniven gånka dan bïjre govli, åajvemes tjahkes-sijjeste tjuedtjieli jïh gånka-skuptjiem sigki. Sårkoe-skuptjiem gåårvedi jïh govni sïjse tjihkedi.
7 Gånka stilli Niniven almetjidie fååstedh: «Gånka jïh altese åvtehkh stillieh: Ij gie, ij almetje jallh juvre, govse jallh sïrve åadtjoeh byöpmedidh jallh gåatodh jallh jovkedh. 8 Sårkoe-skuptjine gelkieh gåårvedidh dovne almetjh jïh kreekh, jïh Jupmielasse reegkes gïeline tjåarvodh. Fïereguhte galka jïjtse bahhas geajnoem laehpedh jïh daaresjimmijste orrijidh. 9 Mejtie Jupmele sæjhta saangerdidh jïh jïjtse måeriem luejhtedh guktie ibie smualkah.»
10 Gosse Jupmele vööjni guktie almetjh bahhas geajnoem leehpin, dellie Jupmele saangerdi dam maam satne jeahteme edtji darjodh. Jïh idtji dam darjoeh.