Laavkoje Jåhha båata
1 Dej beeli laavkoje Jåhha Judejan miehtjies dajvesne eelki håalodh: 2 «Jarkede juktie elmierïjhke gietskene!»
11 «Dijjem tjaetsine jarkemasse laavkoem. Dïhte gie mov minngelen båata, manneste veaksahkåbpoe, jïh im manne vyörtege dan sandaalide noeledh. Dijjem edtja Aejlies Voejkeninie jïh dålline laavkodh. 12 Dan gïetesne gåajvoe jïh gernide edtja gerniereejneme-sijjesne reejnedh. Veajhtam edtja laarose tjöönghkedh jïh aegnide edtja dållese saehtedh mij ij gåessie gænnah jamhkelh.»
Jeesuse lååvkesåvva
13 Dellie Jeesuse Galilejeste Jåhhan gåajkoe bööti lååvkesovvedh. Jåhha Jordanen bealesne. 14 Mohte Jåhha Jeesusem næhta jïh jeahta: «Munnjien daerpies datne mannem laavkoeh, mohte datne mov gåajkoe båatah?» 15 Jeesuse vaestede: «Baajh numhtie sjïdtedh! Dam gelkien darjodh guktie abpe rïektesvoetem illien.» Dellie Jåhha Jeesusem lååvke. 16 Gosse Jeesuse lååvkesovveme, tjaetseste tjuedtjele. Gïehtjh, elmie rïhpese jïh dellie Jeesuse vuajna Jupmelen voejkene jïjtse gåajkoe suaja goh ledtie. 17 Dellie gïele elmeste govloe: «Datne mov gieries Baernie, gie mov mïelesne.»