Bibelsøk

Søk
Velg oversettelse
Hvor finner jeg...

.

Tilbake til oversikten

Paulusa nubbi girji Timoteusii

1 2 3 4

< Forrige kapittelNeste kapittel >

Bálvalus ja gillámuš evangeliuma dihte
2Bártnážan, šatta gievran dan árpmus mii mis lea Kristus Jesusis!  2 Buot maid eatnat duođašteddjiid ovddas leat mus gullan, don galggat oskkildit luohtehahtti olbmuide geat máhttet oahpahit earrásiid.
   
 3 De gillá baháid dego Kristus Jesusa buorre soalddát.  4 Ii oktage gii bálvala soalddáhin, sora iežas beaivválaš eallima doaimmaide, jos dáhttu dohkket soahteveagaoaivámužžii.  5 Ii oktage gilvvohalli fidne vuoitogierddu jos ii gilvvohala njuolggadusaid mielde.  6 Bealdobargi gii bargá lossa barggu, galgá ovddemustá beassat návddašit šattu.  7 Guorahala mu sániid! Hearrá addá dutnje jierpmi ipmirdit buot.
   
 8 Muitte Jesus Kristusa gii bođii Davida nális ja čuoččáldahttojuvvui jábmiid luhtte mu evangeliuma mielde.  9 Su dihte mun gillán baháid ja lean maid láhkkiin dego vearredahkki. Muhto Ipmila sátni ii leat láhkkiin. 10 Danin mun gierddan buot válljejuvvon olbmuid dihte, vai maiddái sii Kristus Jesusis ožžot bestojumi ja agálaš hearvásvuođa. 11 Dát sátni lea luohtehahtti:
          Jos mii leat jápmán oktan suinna,
          de mii oktan suinna oažžut maid eallit.
          
   
12 Jos mii gierdat buot,
          de mii oažžut maid ráđđet oktan suinna.
          Jos mii biehttalit su,
          de son maid biehttala min.
          
   
13 Jos mii leat oskkáldasmeahttumat,
          de son almmatge lea oskkáldas,
          danne go ii son sáhte biehttalit ieš iežas.

Duohtavuođa sáni oahpaheaddji
14 Muittut buohkaide dán ja gieldde sin Ipmila muođuid ovddas nákkáhallamis sániid dihte. Dat ii leat masage ávkin, muhto šaddá baicca heavvun daidda geat gullet. 15 Bargga juohke láhkái čájehit Ipmila čalmmiin iežat luohtehahtti bargin gii ii dárbbaš heahpanaddat, ja gii rievttuid juogada duohtavuođa sáni. 16 Garvve ipmilmeahttun ja guoros ságaid, dasgo dat geain leat dakkár ságat, dolvot olbmuid eanet ipmilmeahttunvuhtii, 17 ja sin oahppa leavvá dego guohcageapmi. Sin searvái gullaba Hymenaios ja Filetos 18 geat leaba gáidan duohtavuođas ja dadjaba ahte bajásčuožžileapmi lea juo dáhpáhuvvan. Nu soai moiveba muhtun olbmuid oskku. 19 Muhto vuođđu maid Ipmil lea bidjan, bissu, ja das leat seailan dát sánit: Hearrá dovdá olbmuidis, ja: “Heitos vearrivuođa juohkehaš gii beakkuha Hearrá nama.” 20 Stuorra dállodoalus eai leat dušše golle- ja silbalihtit, muhto maiddái muorra- ja láirálihtit, muhtumat mávssolaš atnui, muhtumatgis beaivválaš atnui. 21 Dat gii buhtista iežas buot diekkáriin, šaddá lihttin mii heive mávssolaš atnui, basuhuvvon lihttin mii lea dáluisidii ávkkálaš ja anolaš buori atnui.
   
22 Báhtar nuorravuođa anistumiin ja váinnut vuoigatlašvuođa, oskku, ráhkisvuođa ja ráfi daiguin geat buhtis váimmus čurvot Hearrá. 23 Garvve jallas ja ávkkehis digaštallamiid, dasgo don dieđát ahte dat dagahit riidduid. 24 Hearrá bálvaleaddji ii oaččo riidalit, son galgá baicca leat láđis buohkaide, čeahppi oahpahit ja gierdavaš, 25 nu ahte bagada láđđásit daid geat vuosttaldit. Ipmil soaitá diktit sin jorgalit, vai sii dovdagohtet duohtavuođa 26 ja čilget ja besset eret dan gielas mas beargalat doallá sin fáŋgan vai beassá bágget sin dahkat iežas dáhtu.
< Forrige kapittelNeste kapittel >

01. juli 2022

Dagens bibelord

Josva 24,19–28

Les i nettbibelen

19Josva sa til folket: «Dere makter ikke å tjene Herren, for han er en hellig Gud. Han er en nidkjær Gud, som ikke bærer over med deres lovbrudd og synder. ... Vis hele teksten

19Josva sa til folket: «Dere makter ikke å tjene Herren, for han er en hellig Gud. Han er en nidkjær Gud, som ikke bærer over med deres lovbrudd og synder. 20Hvis dere forlater Herren og dyrker fremmede guder, vil han igjen føre ulykke over dere og gjøre ende på dere, hvor mye godt han enn har gjort mot dere før.» 21Folket sa til Josva: «Nei! Herren vil vi tjene.» 22Da sa Josva til dem: «Så er dere vitner mot dere selv at dere har valgt Herren og vil tjene ham.» De svarte: «Vi er vitner!» 23Da sa Josva: «Skill dere av med de fremmede gudene som finnes hos dere, og vend deres hjerte mot Herren, Israels Gud!» 24Folket sa til Josva: « Herren vår Gud vil vi tjene, hans stemme vil vi lyde.» 25Den dagen sluttet Josva en pakt for folket og fastsatte lov og rett for dem i Sikem. 26Han skrev disse ordene opp i Guds lovbok. Så tok han en stor stein og reiste den der, under eika som står ved Herrens helligdom. 27Og Josva sa til hele folket: «Se, denne steinen skal være et vitne mot oss, for den har hørt hvert ord som Herren har sagt til oss. Den skal vitne mot dere, så dere ikke fornekter deres Gud.» 28Så lot Josva folket gå, hver til sin eiendom.