Jupmele soptsestamme
1 Jupmele profeeth stilli mijjen maadtojde gellien aejkien jïh måedtielaakan soptsestidh. 2 Daelie gosse biejjieh nåhkeminie, dellie Baerniem stilleme mijjese soptsestidh. Baarnan juvnehtamme gaajhkem eerpedh juktie Baernine veartenem sjugniedamme. 3 Baernie Jupmelen hearlohkevoeten tjoevke jïh Jupmielinie lea jïh gaajhkem jïjtse baakoen faamojne guadta. Gosse mijjem sådtojste reejneme, dellie Gånkan åelkies bealan jallatjommesisnie tjihkedi. 4 Dellie eengkelijstie sagke faamohkåbpoe sjïdti juktie jïjtse nomme, maam eerpeme, stinkebe gaajhkijste nommijste. 5 Juktie ij gåessie gænnah Jupmele aktide eengkelidie jeahteme:
Datne mov baernie.Daan biejjien manne datnem reakadahteme.Jallh aaj tjaalasovveme:
Aehtjine sïjhtem årrodhjïh dïhte mov baernine.6 Jïh gosse baaja jïjtse voestes-reakadamme baerniem veartanasse båetedh, dellie jeahta:
Gaajhkh Jupmelen eengkelh gelkieh altemse earoehtidh.7 Eengkeli bïjre jeahta:
Jïjtse eengkelh voejngenassine dorje,jïh jïjtse dïenesjæjjide dållen skomtjelinie.8 Mohte Baernien bïjre jeahta:
Jupmele, dov åajvemes tjahkes-sijjie,ihkuve aajkan tjåådtje,rïektesvoeten klaahka dov gunkies klaahkine.9 Datne rïektesvoetem eahtsemejïh meadtoem væssjoehtamme.Dannasinie Jupmele, dov Jupmele,datnem aavoen åljine bådtjadamme,ij dov voelpide gænnah bådtjedh.10 Jïh vielie:
Åejvie, datne aalkovisnie eatnemem tseegkeme,jïh elmierïjhkh dov gïeti dahkoeh leah.11 Dah edtjieh dåssjanidh.Mohte datne edtjh årrodh.Dah napkoeh guktie vaarjoeh.12 Dejtie gïebrh guktie njåetsiem gïebrh,goh vaarjoeh molseduvvieh.Mohte datne seammalaakan leah,eah dov jaepieh nåhkh.13 Ij gåessie gænnah eengkelasse jeahteme:
Tjihkedh mov åelkies bealan,goske leam dov vidtjie-nïeridegaltine dov juelkiej nualan bïejeme.14 Dagke eah gaajhkh eengkelh voejkenh mah Jupmelem dïenesjieh jïh mejtie Jupmele stillie viehkiehtidh dejtie gïeh edtjieh gorredovvedh.