Bibelsøk

Søk
Velg oversettelse
Hvor finner jeg...

.

Tilbake til oversikten

Jesaja

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66

Neste kapittel >
1Dát leat oainnáhusat Juda ja Jerusalema hárrái maid Jesaja, Amosa bárdni, oinnii dalle go Ussia, Jotam, Ahas ja Hiskia ledje Juda gonagassan.
Hearrá cuiggoda álbmogis
     2 Gula, albmi, guldal, eanan!
          Hearrá sárdnu:
          Mánáid mun bibmen ja dikšon,
          muhto sii leat jorgalan mus eret.
          
   
 3 Vuoksá dovdá eaiggádis
          ja ásen isidis kruppá,
          muhto Israel ii dovdda,
          mu álbmot ii ipmir.
          
   
 4 Vuoi suttolaš álbmoga,
          soga maid suddovealgi losidahttá,
          bahádahkkiid bearraša,
          billašuvvan mánáid!
          Sii leat hilgon Hearrá,
          badjelgeahččan Israela Basi
          ja jorgalan sutnje sealggi.
          
   
 5 Ehpetgo dii leat doarvái cábmojuvvon,
          go velá nággáruššabehtet?
          Oaivi lea hávváduvvan,
          váibmu cuovkanan.
          
   
 6 Juolgevuođus gitta oaivečohkkii
          ii leat mihkkege dearvašiid,
          dušše guvhllit ja árbbat ja rabas hávit.
          Dat eai leat bohččojuvvon,
          eai čadnojuvvon
          eaige oljjuin luvvaduvvon.
          
   
 7 Din eanan lea ávdin,
          din gávpogat leat boldojuvvon,
          dii oaidnibehtet vierroolbmuid borramin
          iežadet eatnama šattuid.
          Dat lea heavahus,
          dego dalle go Sodoma duššaduvvui.
          
   
 8 Dušše nieida Sion lea báhcán
          dego viidnegárddi lastagoahti,
          dego gurkábealddu fáktengoahti,
          dego birastahttojuvvon gávpot.
          
   
 9 Jos Hearrá, Almmiveagaid Ipmil,
          ii livčče guođđán mis bázahasa,
          de mii livččiimet dego Sodoma,
          mii livččiimet šaddan
          Gomorra láhkásažžan.
          
   
10 Gullet Hearrá sáni,
          Sodoma oaivámuččat,
          guldal min Ipmila sárdnuma,
          Gomorra álbmot!
          
   
11 Maid mun dagan
          buot din njuovvanoaffariiguin,
          cealká Hearrá.
          Mun lean gallánan
          boaldinoaffarvierccain
          ja buoiduduvvon gálbbiid buoiddis,
          mus ii leat hállu vuovssáid ja lábbáid
          ja bohkáid varrii.
          
   
12 Gii lea dáhtton dis dakkáriid
          ja duolbmat mu ovdašiljuid,
          go boahtibehtet mu muođuid ovdii?
          
   
13 Allet šat buvtte duššálaš attáldagaid,
          mun fasttášan oaffarsuova.
          Mánočalbmebeaivi, sabbat,
          bassi čoakkalmasat –
          mun in gierdda din basiid
          ja din vearrivuođa.
          
   
14 Mun vašuhan din
          mánočalbmebeaivvi meanuid
          ja basiid.
          Dat leat šaddan munnje noađđin,
          mun lean váiban dan guoddimis.
          
   
15 Go dii bajidehpet gieđaid rohkadussii,
          de mun čiegan čalmmiidan dis.
          Vaikko dii rohkadallabehtetge ollu,
          de mun in gula.
          Din gieđat leat varranaga.
          
   
16 Basadehket, buhtistehket iežadet!
          Jávkadehket bahás daguideattet
          mu čalmmiid ovddas.
          Heitet dahkamis bahá
          
   
17 ja ohppet dahkat buriid!
          Ohcet dan mii lea riekta,
          bealuštehket dan gii sordojuvvo,
          rábidehket oarbásii vuoigatvuođa,
          čuoččuhehket leaskkaid ášši.
          
   
18 Čielggadehkot áššámet,
          cealká Hearrá.
          Vaikko din suttut leat varraruoksadat,
          de dat šaddet čeaskadin dego muohta,
          vaikko dat leat purpurruoksadat,
          de dat šaddet vielgadin dego ullu.
          
   
19 Jos dii lehpet miehtásat
          ja gullabehtet,
          de beassabehtet návddašit
          eatnama buriid,
          
   
20 muhto jos lehpet nággárat
          ja ceaggát,
          de miehkki loaktá din.
          Hearrá lea sárdnon.

Jerusalem buhtistuvvo
    21 Vuoi, oskkáldas gávpot
          lea šaddan fuorrán!
          Dan dievva lei vuoigatlašvuohta,
          vanhurskkisvuohta orui doppe –
          dál doppe ásset sorbmejeaddjit.
          
   
22 Du silbbat leat šaddan skártan,
          du viidni lea čáziin veahttaduvvon.
          
   
23 Du vuostehágolaš oaivámuččat
          leat suollagiid guoimmit,
          sii ráhkistit duolgguid
          ja váinnuhit attáldagaid.
          Eai sii veahket oarbásiid
          oažžut vuoigatvuođa
          eaige gozit leaskkaid ášši.
          
   
24 Dan dihte cealká Hearrá,
          Almmiveagaid Ipmil,
          Israela Veagalaš:
          Vuoi sin! Mun divttán moari
          deaividit vuostálastiidan
          ja mávssahan vašálaččaidasan.
          
   
25 Mun bajidan gieđa du vuostá.
          Mun boalddán buot
          du buhtismeahttunvuođa
          ja jávkadan gutnasálttiin du skártta.
          
   
26 Mun attán dutnje dakkár duopmáriid
          dego ovdal,
          dakkár ráđđeaddiid nugo dološ áiggiid.
          Dalle don gohčoduvvot
          vanhurskkisvuođa ladnin,
          oskkáldas gávpogin.
          
   
27 Vuoigatvuođain Sion bestojuvvo,
          vanhurskkisvuođain
          dat geat ásset doppe.
          
   
28 Muhto vearredahkkit
          ja suttolaččat cuvkejuvvojit,
          dat geat behttet Hearrá, duššet.
          
   
29 Dalle dii heahpanehpet
          terebinttaid dihte
          mat ledje din hálidus,
          ja beahtahallabehtet muorragárddiide
          maid ráhkistehpet.
          
   
30 Dalle dii lehpet dego terebinta
          mas leat goldnan lasttat,
          dego muorragárdi gos ii leat čáhci.
          
   
31 Gievra šaddá nuovvin
          ja su dahku čuonamin.
          Ovttas dat bullet,
          iige leat čáskadeaddji.
Neste kapittel >

28. november 2022

Dagens bibelord

Jesaja 12,1–6

Les i nettbibelen

1Den dagen skal du si: Jeg takker deg, Herre! For du var harm på meg, men harmen snudde, og du trøstet meg. 2Se, Gud er min frelse, jeg er trygg og frykter ikke. For Herren er min styrke og min sang, og han er blitt min frelse. ... Vis hele teksten

1Den dagen skal du si: Jeg takker deg, Herre! For du var harm på meg, men harmen snudde, og du trøstet meg. 2Se, Gud er min frelse, jeg er trygg og frykter ikke. For Herren er min styrke og min sang, og han er blitt min frelse. 3Med glede skal dere øse vann av frelsens kilder. 4Den dagen skal dere si: Lovpris Herren, påkall hans navn! Gjør hans gjerninger kjent blant folkene, forkynn at hans navn er opphøyd! 5Syng for Herren, for han har gjort storverk, gjør dette kjent over hele jorden! 6Rop høyt i jubel, dere som bor på Sion! For Israels Hellige er stor, han er midt iblant dere.

Dagens bibelord

Jesaja 12,1–6

Les i nettbibelen

1Den dagen skal du seia: Eg takkar deg, Herre! For du var harm på meg, men harmen snudde, og du trøysta meg. 2Sjå, Gud er mi frelse, eg er trygg og fryktar ikkje. For Herren er min styrke og min song, og han har vorte mi frelse. ... Vis hele teksten

1Den dagen skal du seia: Eg takkar deg, Herre! For du var harm på meg, men harmen snudde, og du trøysta meg. 2Sjå, Gud er mi frelse, eg er trygg og fryktar ikkje. For Herren er min styrke og min song, og han har vorte mi frelse. 3Med glede skal de ausa vatn or kjeldene til frelse. 4Den dagen skal de seia: Lovpris Herren, kall på hans namn! Gjer gjerningane hans kjende mellom folka, forkynn at hans namn er opphøgt! 5Syng for Herren, for han har gjort storverk, gjer dette kjent over heile jorda! 6Rop høgt i jubel, de som bur på Sion! For Israels Heilage er stor, han er midt iblant dykk.

Dagens bibelord

Jesaja 12,1–6

Les i nettbibelen

1Dan beaivvi don dajat: “Mun máinnun du, Hearrá. Don ledjet suhttan munnje, muhto du moarri soaččui, ja don jeđđejit mu. 2Ja nu Ipmil lea mu bestojupmi, mun lean oadjebas inge bala. Hearrá lea mu fápmu ja mu suodji, son besttii mu.” ... Vis hele teksten

1Dan beaivvi don dajat: “Mun máinnun du, Hearrá. Don ledjet suhttan munnje, muhto du moarri soaččui, ja don jeđđejit mu. 2Ja nu Ipmil lea mu bestojupmi, mun lean oadjebas inge bala. Hearrá lea mu fápmu ja mu suodji, son besttii mu.” 3Ilus dii goaivubehtet čázi bestojumi ádjagiin. 4Dan beaivvi dii dadjabehtet: Máidnot Hearrá, rávket su nama, muitalehket álbmogiidda su daguid, gulahehket su aliduvvon nama! 5Rámidehket Hearrá, son lea dahkan stuorra daguid, almmuhehket daid miehtá eatnama! 6Čurvot ávus, dii geat ássabehtet Sionis, danin go stuoris din gaskkas lea Israela Bassi.