1 Kor 15,51-58
Máid jurddašat don jápmima birra?
51Dál mun muitalan didjiide čiegusvuođa: Eat mii buohkat oađđá jápmimii, muhto mii buohkat nuppástuvvat, 52fáhkkestaga, čalbmeravkalanbottus, go maŋimuš básona jietna čuodjá. Dasgo báson čuodjá, jábmit bajásčuožžilit nohkameahttunvuođas ja mii nuppástuvvat. 53Dat nohkavaš ferte gárvodit nohkameahttunvuođa ja dat jámolaš ferte gárvodit jápmemeahttunvuođa. 54Ja go dat nohkavaš lea gárvodan nohkameahttunvuođa ja dat jámolaš lea gárvodan jápmemeahttunvuođa, dalle ollašuvvá dat sátni mii lea čállojuvvon: Jápmin lea njillojuvvon ja vuoitu vuitojuvvon. 55Jápmin, gos lea du vuoitu? Jápmin, gos lea du seahčagas? 56Jápmima seahčagas lea suddu, ja suttu fápmu lea láhka. 57Muhto giittus lehkos Ipmilii gii addá midjiide vuoittu Hearrámet Jesus Kristusa bokte! 58Danin, ráhkis vieljažiiddán, lehket gievrrat ja lihkatmeahttumat, ja dahket álo Hearrá barggu áŋgirvuođain. Dihtet ahte Hearrá ii divtte din barggu mannat duššás.
"Jápmin, gos lea du seahčagas? Jápmin, gos lea du vuoitu?” Dát orro dego čállojuvvon bilkun jápmima ja Sáhtána vuostá. Jápmimis ii lea fápmu, dat ii sáhte min vahágahttit. Dát lea rámálmas loahpaheapmi dán reivves – Jesus lea duššadan jápmima. Mii jápmit gal oaččálaš jápmima. Oallugat ballet das ja dopmet vásihit eanemus lági mielde eallimis. Muhto Jesus lea vuoitán jápmima badjel, mii eat galgga jápmit, mii galgat eallit. Filippilaččaid girjjis 1,21 čállojuvvo ná: “Dasgo munnje eallin lea Kristus ja jápmin lea vuoitu.” Dat lihkku maid mii vásihit eatnama alde lea nu unni dan eallima ektui maid mii oažžut maŋŋil jápmima, ahte oaččálaš jápmin šaddá midjiide dušše vuoitun. Dalle go ledjen nuorat go dál, lei mu mielas váttis go mii rohkadalaimet Jesusa ruovttoluotta boahtima birra dannego mus lei nu olu maid háliidin vásihit. Dál ipmirdan ahte diet rohkos ii rohkadallojuvvo olbmuin geat lea váivvis dahje dolkan eallimis, muhto sis geat leat ipmirdan makkár illu mis lea vuordagis almmis.