Tilbake til oversikten

Sálmmaid girji

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

< Forrige kapittel

Neste kapittel >

Sálbma 141 141Davida sálbma.                    Hearrá, mun čuorvvun du.           Boađe hoahpus mu veahkkin,           gula mu jiena go mun čuorvvun du!                 2 Divtte mu rohkosa           leat oaffarsuovasin du muođuid ovddas,           mu bajiduvvon gieđaid eahkedisoaffarin.                 3 Hearrá, bija gáhttejeaddji           mu njálmmi ovdii,           gáhtte mu baksamiid uvssa.                 4 Ale divtte mu váimmu sodjat bahái,           dahkat ipmilmeahttun daguid           vearredahkkiiguin,           ale divtte mu borrat           sin njálgga borramušaid.                 5 Vuoigatlaš olmmoš oažžu cábmit           ja bagadit mu ráhkisvuođas,           muhto ipmilmeahttumat eai oaččo           golggahit oljju mu oaivvi ala.           Mu anán álo rohkosa           sin bahávuođa vuostá.                 6 Sin oaivámuččat norddastuvvojit           báktedardda badjel,           sii áddejit man láđđásat ledje mu sánit.                 7 Nugo olmmoš jorgu ja guohkká eatnama,           nu sin dávttit biđgejuvvojit           jábmiidáimmu njielu lusa.                 8 Hearrá, mu Hearrá,           mu čalmmit gehččet dutnje,           dutnje mun dorvvastan.           Ale divtte mu eallima mannat duššás!                 9 Gájo mu gielain maid sii bidjet mu ovdii,           gájo mu vearredahkkiid gillariin.                10 Divtte ipmilmeahttumiid           darvánit iežaset firpmiide,           muhto suova mu           beassat dearvan daid meaddel.

< Forrige kapittel

Neste kapittel >