Bures!
Vállje linnjás muitalusa, ja de bláđe vulos lohkat ja gullat dan.
Giellaválljemis badjin, olgeš bealde, sáhtát válljet giela.
Peter biehttala
Lei idja.
Jesus ja máhttájeaddjit ledje borran beassášmállásiid.
Dál sii ledje vuolgán gávpogis ja manname muhtin gilvvagárdái.
Jesus rohkadalai Ipmilii,
son balai das mii galggai dáhpáhuvvat.
Máhttájeaddjit ledje váibasat ja ribahedje nohkkat.
Fáhkkestaga čuovgagohte spáidarat,
ja gilvvagárddis ledje dievva vávttat vearjjuiguin.
Ovddemusas sis váccii máhttájeaddji Judas.
Judas manai njuolga Jesusa lusa ja dovddahii su vávttaide.
Son behtii Jesusa ovttain cummáin.
Vávttat válde Jesusa ja čatne su gitta.
Sii dolvo Jesusa bajimušbáhpa vissui.
Doppe sii dutke su ija miehtá,
sii geat dáhtto su jápmit.
Buot máhttájeaddjit ledje báhtaran.
Dušše Peter duosttai čuovvut, arvat maŋŋelis.
Seamma eahkeda lei son lohpidan
ahte ii áiggo goassege beahttit Jesusa.
Go Jesus vástidii ahte dán ija, ovdalgo vuoncávaris ollii biškkádit,
de lei son juo biehttalan su golmma geardde,
de jurddašii son ahte dán háve lei Jesus váldán boastut.
Dál čuovui Peter sin maŋis bajimušbáhpa vissui.
Son beasai uksaráigge sisa ja bođii šilljui.
Lei čoaskkis, ja bálvaleaddjit ja vávttat ledje cahkkehan dola.
Peter čuoččui maid singuin das ja biktalii iežas.
De bođii okta biiggáin su lusa.
Son jearai: «Itgo don leat okta su máhttájeddjiin?»
«In leat”, vástidii Peter, nu jitnosit ahte vávttat galge dan gullat.
«Juo, son láve Jesusa, nasaretlačča, mielde»,
dajai muhtin eará biigá ja cuoiggui sutnje.
Peter biehttalii ja dajai: «Mun in dovdda dien olbmá!»
Son áiggui vuolgit, muhto okta vávttain dollaguoras dajai:
“Munhan goit oidnen du suinna gilvvagárddis!”
De garrudii Peter ja vuortnui ahte son ii dovdda Jesusa.
Dalle biškkádii vuoncávaris.
Ja Peter muitái maid Jesus lei dadjan.
Son viehkalii das eret ja čierui bahččagit.
Loga muitalusa Biibbalis
66Peter lei vuollin šiljus. Muhtun bajimusbáhpa bálvánieida bođii dohko, 67ja go son oinnii Petera liekkadallamin, de son geahčai sutnje ja dajai: “Don maid ledjet dainna Jesusiin, nasaretlaččain.” 68Muhto Peter biehttalii. “Mun in eisege ipmir maid don oaivvildat”, son dajai ja manai olggos olggut šilljui. Ja vuoncávaris biškkádii. 69Muhto nieida oinnii su fas ja dajai daidda geat ledje das: “Dát olmmái lea okta sis.” 70Peter biehttalii fas. Maŋŋelaš earátge geat ledje das, dadje Peterii: “Don leat vissásii okta sis, donhan maid leat galilealaš.” 71Muhto son garrudišgođii ja vuortnui: “Mun in dovdda dan olbmá gean birra dii hállabehtet.” 72Seammás vuoncávaris biškkádii nuppádassii. De Peter muitái maid Jesus lei cealkán sutnje: “Ovdal go vuoncávaris bišku guovtte geardde, de don biehttalat mu golmma geardde.” Ja son čirrui.
Gratis undervisningsmateriell for påske
Er du lærer i skolen? Vi sender deg undervisningsmateriell for skole, med lærerveiledning for påske på e-post helt gratis. Opplegget har kompetansemål knyttet i hovedsak til fagene KRLE og norsk.
Send e-post og motta PDF