Bures!
Vállje linnjás muitalusa, ja de bláđe vulos lohkat ja gullat dan.
Giellaválljemis badjin, olgeš bealde, sáhtát válljet giela.
Jesus addá ándagassii
Lei čakča.
Jesus lei tempelis Jerusalemis
ávvudeame čakčadoaluid.
Bajimusbáhppa ja farisealaččat áigo váldit Jesusa fáŋgan.
Sin mielas sárdnidii son boastut Ipmila birra.
Muhto fávttat maid sii sáddejedje, bohte ruovttoluotta.
Sii muitaledje ahte eai lean goassege gullan
ovttage sárdnideame nu movt Jesus.
Fávttat eai lean oččodan su váldit gitta.
De mearridedje farisealaččat ahte
sii váldet su gitta earálágan vugiin.
Beaivvi maŋŋil čakčadoaluid manai Jesus fas tempelii.
Oallut olbmot čoagganedje gullat su.
Son čohkkedii, ja olbmot čužžo beallegierdun su birra.
Son muitališgođii, nugo juo láviige.
De bohte muhtun farisealaččat.
Sin mielde lei muhtin nisson.
«Son gávnnahalai suddudeamis.
Son lea veallán ovttain gii ii leat su isit.
Mosesa lága mielda galgá son geađgáduvvot.
Maid dajat don dasa?»
Olbmot gehčče hirpmástuvvamiin guhtet guoibmáseaset.
Dušše romalaččain lei lohpi cealkit jápminduomu.
Muhto jus Jesus ii čuvvon Mosesa lága,
de lei farisealaččain ágga váidit su.
Sis ledje ákkat sivahallat Jesusa
vaikko maid livččii vástidan!
Muhto Jesus ii vástidan maidege.
Son gopmirdii
ja čálii suorpmain eatnamii.
Farisealaččat geardduhedje: «Maid don dajat?»
De son čuoččahii ja dajai:
«Dat gii dis lea suttuheapmi,
bálkestehkos son dan vuosttaš geađggi».
Go farisealaččat dan gulle, manne sii eret,
ovttaid, ovttaid, boarrásepmosat álggos.
Loahpas lei Jesus das akto nissoniin.
Son njulgii čielggi, geahčestii sutnje ja jearai:
«Gosa sii manne? Iigo oktage leat du dubmen?»
«Ii oktage, Hearrá», son vástidii.
«In munge dubme du», dajai Jesus.
«Mana, alege šat suddut».
Son vulggii das eret gehppes lávkkiiguin.
Dego livččii dánseme.
Olbmot nivkkuhedje ja moddjájedje guhtet guoibmáseaset.
Sii eai lean goassege gullan
ovttage sárdnideame nu go Jesus dagai.
Loga muitalusa Biibbalis
53Buohkat vulge ruoktot, juohkehaš báikásis, 1muhto Jesus manai Oljovárrái. 2Árrat iđedis son bođii fas tempelii. Ollu olbmot čoagganedje su birra, ja son čohkánii ja oahpahišgođii sin. 3Dalle čáloahppavaččat ja farisealaččat bukte dasa nissona gii lei gávnnahallan rihkkumis náittosdili. Sii divvo su Jesusa ovdii 4ja dadje: “Oahpaheaddji, dát nisson gávnnahalai rihkkumis náittosdili. 5Moses lea lágas gohččon geađgádit dakkár nissoniid. Maid don dajat?” 6Sii dadje dan vai besset geahččalit Jesusa ja gávdnat juoidá mainna váidit su. Muhto Jesus gopmirdii ja čálii suorpmain eatnamii. 7Go sii ain gáibidedje sus vástádusa, de son lihkai čuožžut ja celkkii: “Dat dis gii lea suttuheapme, bálkestehkos su njeaiga vuosttaš geađggi.” 8Son gopmirdii fas ja čálii eatnamii. 9Go sii gulle Jesusa sániid, de sii vulge eret ovttaid ovttaid, boarrásepmosiid rájes nuoramusaid rádjái. Dasa báziiga dušše Jesus ja nisson gii lei das čuožžumin. 10Jesus lihkai čuoččat ja jearai: “Nisson, gosa sii manne? Iigo oktage dubmen du?” 11Nisson vástidii: “Ii oktage, hearrá.” Jesus celkkii: “In munge dubme du. Mana, alege šat suddut.”